ଜମ୍ମୁ କାଶ୍ମୀର: ଜମ୍ମୁ କାଶ୍ମୀର ସୋପିଆନରେ ସେନା ଆତଙ୍କୀଙ୍କ ମଧ୍ୟରେ ଗୁଳିବିନିମୟ । ଏନକାଉଣ୍ଟରରେ 3 ଆତଙ୍କୀ ସଫା ହୋଇଥିବା ସୂଚନା ।ସୋପିଆନ ଜିଲ୍ଲାର ଦ୍ରାଗାର୍ଡ ସୁଗାନ ଅଞ୍ଚଳରେ ଏନକାଉଣ୍ଟର ହୋଇଥିବା ନେଇ ଶୁକ୍ରବାର ଟ୍ବିଟ ଜରିଆରେ ସୂଚନା ଦେଇଛନ୍ତି ଇଣ୍ଡିଆନ ଆର୍ମୀ କମାଣ୍ଡ ।
ସୂଚନା ମୂତାବକ, ସୋପିଆନ ସୁଗାନ ଅଞ୍ଚଳରେ ସେନାର ରାଷ୍ଟ୍ରୀୟ ରାଇଫଲ , ସିଆରପିଏଫ୍ ଏବଂ ଏସଓଜି ଦ୍ବାରା ଅପରେସନ ଚାଲିଥିଲା । ଏହି ଅପରେସନ ଦ୍ବାରା ସୁରକ୍ଷାବଳ ସମ୍ପୂର୍ଣ୍ଣ ଅଞ୍ଚଳକୁ ଘେରି ନେଇଥିଲେ । ତେବେ ଆତଙ୍କବାଦୀ ପ୍ରଥମେ ସେନା ଉପରକୁ ଗୁଳି ବର୍ଷଣ କରିଥିଲେ ।
କିଛି ସମୟ ଧରି ସେନା ଏବଂ ଆତଙ୍କୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏଥିରେ 3 ଆତଙ୍କୀ ନିପାତ ହୋଇଛନ୍ତି ।
