ମୁମ୍ବାଇ: ଲଘୁଚାପ ବର୍ଷା ଯୋଗୁଁ ମହାରାଷ୍ଟ୍ରରେ ପ୍ରବଳ ବର୍ଷା ହୋଇଛି । ପ୍ରବଳ ବର୍ଷା ଯୋଗୁଁ ବିଭିନ୍ନ ଅଞ୍ଚଳରେ ପ୍ରଳୟଙ୍କାରୀ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବନ୍ୟାର ତାଣ୍ଡବରେ ଏକ ପରିବାର ତିନି ଜଣ ପ୍ରାଣ ହରାଇଛନ୍ତି । ମହାରାଷ୍ଟ୍ର ଚାଞ୍ଚୱାଡ ଅଞ୍ଚଳରେ ବନ୍ୟାପାଣିରେ ଭାସିଯାଇଛି କାର । ଗୋଟିଏ ପରିବାରର 3 ଜଣ ପ୍ରାଣ ହରାଇଛନ୍ତି ।
ମହାରାଷ୍ଟ୍ରର ପିମ୍ପ୍ରି ଚଞ୍ଚୱାଡର କର୍ମାଲ ତହସିଲର ଜିଉରରେ ଗୋଟିଏ ପରିବାରର 3 ଜଣ ଏକ ସ୍ବିପ୍ଟ କାରରେ ଯିବାବେଳେ ବନ୍ୟାପାଣିରେ ଭାସିଯାଇଥିଲେ । 3 ଦିନ ପୂର୍ବରୁ ବନ୍ୟାପାଣିରେ ସେମାନଙ୍କ କାର ଭାସିଯାଇଥିଲା । କିନ୍ତୁ ଆଜି ସେମାନଙ୍କର ମୃତଦେହ ଉଦ୍ଧାର କରାଯାଇଛି | ମୃତକ ମାନେ ହେଲେ ରାହୁଲ ଟୋନ୍ପେ (27), ଗଜାନନ ଭାଇକର (72) ଏବଂ ତାଙ୍କ ପୁଅ ସଚିନ ଭୈକର (38) । ସେମାନେ ପିମ୍ପ୍ରି ଚଞ୍ଚୱାଡର ଥେରଗାଓଁର ବାସିନ୍ଦା ବୋଲି ଜଣାପଡିଛି।
ସୂଚନା ଥାଉକି ଳଘୁଚାପ ବର୍ଷାରେ ତେଲେଙ୍ଗାନାରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଏହାପରେ ଏହା ମହାରାଷ୍ଟ୍ରରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବିଭିନ୍ନ ଅଞ୍ଚଳରେ ବନ୍ୟାରେ ଫସିଥିବା ଲୋକଙ୍କୁ ଏନଡିଆରଏଫ ଉଦ୍ଧାର କରୁଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
