ଭୋପାଳ : ମଧ୍ୟପ୍ରଦେଶ ଇନ୍ଦୋରରେ ଘଟିଛି ଏକ ଦୁଖଃଦ ଘଟଣା। କାରରେ ବନ୍ଦ ହୋଇ ପ୍ରାଣ ହରାଇଛନ୍ତି ତିନି ଶିଶୁ । ସେମାନେ ସମ୍ପର୍କରେ ଭାଇ ଭଉଣୀ ବୋଲି ଜଣାପଡିଛି ।
ସୂଚନା ଅନୁସାରେ,ଶୁକ୍ରବାର ସକାଳୁ ସାଙ୍ଗ ହୋଇ ଖେଳୁଥିଲେ ତିନି ଶିଶୁ । ଆଉ ଘର ବାହାରେ ଥିବା କାରଟି ଖୋଲା ଥିବାରୁ ସେଥିରେ ପଶିଯାଇ ବନ୍ଦ କରିଦେଇଥିଲେ । ହେଲେ ବାହାରିବା ସମୟରେ ହଠାତ କାରଟି ବନ୍ଦ ହୋଇଯାଇଥିଲା । ଆଉ ଯେତେ ପାଟି କଲେ ବି କେହି ଶୁଣିନଥଲେ।
ତିନି ଘଣ୍ଟା ଧରି ସେମାନେ କାର ଭିତରେ ବନ୍ଦ ରହିଥିଲେ । ଜଣେ ପଥଚାରୀ ତାଙ୍କୁ ଅଚେତ ଅବସ୍ଥାରେ କାରରେ ପଡିଥିବା ଦେଖି ପରିବାର ଲୋକଙ୍କୁ ଜଣାଇଥିଲେ । ପରିବାର ସଦସ୍ୟ ପିଲାଙ୍କୁ ସ୍ଥାନୀୟ ଡାକ୍ତରଖାନା ନେଇଥିଲେ । ହେଲେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
