ରାୟପୁର: ପଡୋଶୀ ଛତିଶଗଡର ପଦ୍ମନାଭପୁର ଚୌକିର ବୋରସା ଅଞ୍ଚଳରେ ଥିବା ଏକ ଖାଲି କୋଠାରୁ ବିପୁଳ ପରିମାଣର ବେଆଇନ ଦେଶୀ ମଦ ଜବତ ହୋଇଛି । ଏହାକୁ ପ୍ରସ୍ତୁତ କରିବା ଅଭିଯୋଗରେ 3 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ସେମାନଙ୍କ ପାଖରୁ 70 ଲିଟର ଦେଶୀ ମଦ ସହ, 40 ଲିଟର ସ୍ପିରିଟ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ପ୍ରାୟ 50 ଲକ୍ଷ ଟଙ୍କା ହେବ ।
ଏଠାକାର ବିଆଇଟି କଲେଜ ନିକଟରେ ଅଭିଯୁକ୍ତଙ୍କ ଦ୍ବାରା ବେଆଇନ ଦେଶୀ ମଦ ପ୍ରସ୍ତୁତ ହେଉଥିଲା । ଏନେଇ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଘେରାବନ୍ଦୀ କରି 3 ଜଣ ଯୁବକଙ୍କୁ ଅଟକ ରଖି ପଚରାଉଚରା କରିଥିଲା । ଏହାପରେ ଏ ଘଟଣାର ପର୍ଦ୍ଦାଫାଶ ହୋଇଥିଲା । ଏହି ବେଆଇନ ଦେଶୀ ମଦ କାରବାର ଅନେକ ଦିନ ଧରି ଚାଲୁଥିବା ଜଣାପଡିଛି । ଆଉ ଏହି ବ୍ୟବସାୟ କରୁଥିବା ଅଭିଯୁକ୍ତ ସ୍ଥାନୀୟ ଅଞ୍ଚଳର।
