ଭୋପାଳ: ମଧ୍ୟପ୍ରଦେଶର ରାଜଧାନୀ ଭୋପାଳରେ 24 ଜଣ ୟୁକେ ଫେରନ୍ତାଙ୍କୁ ସଙ୍ଗରୋଧରେ ରଖାଯାଇଛି । ୟୁକେରେ କୋରୋନାରୁ ପୁନଃ ସଂକ୍ରମଣ ହେବା ଦୃଷ୍ଟିରୁ ସେମାନଙ୍କୁ ସଙ୍ଗରୋଧରେ ରଖାଯାଉଛି । ତେବେ ସେମାନଙ୍କର ଆରଟି-ପିସିଆର ରିପୋର୍ଟ ଆସିବା ପରେ କୋଭିଡ ନେଗେଟିଭ ଥିଲେ ସେମାନଙ୍କୁ ଛଡାଯିବ ବୋଲି ଜଣାପଡିଛି ।
ୟୁକେରେ କୋରୋନାର ପୁନଃ ସଂକ୍ରମଣ ପୁଣି ଚିନ୍ତାର କାରଣ ପାଲଟିଛି । ୟୁକେରେ ଉଭା ହୋଇଥିବା କୋରୋନାର ଏହି ସୁପର ସ୍ପ୍ରେଡର ଷ୍ଟ୍ରେନ ମହାମାରୀକୁ ପୂର୍ବ ଅପେକ୍ଷା ଦ୍ରୁତ ଗତିରେ ସଂକ୍ରମଣ କରୁଛି । ତେବେ ମହାମାରୀର ଭୟାବହ ରୂପକୁ ଏଡ଼ାଇବା ପାଇଁ କେନ୍ଦ୍ର ସରକାର ସତର୍କତା ଅବଲମ୍ବନ କରୁଛନ୍ତି । ଏଥିଲାଗି ୟୁକେ ଫେରନ୍ତାଙ୍କ ଉପରେ ସ୍ବତନ୍ତ୍ର ଦୃଷ୍ଟି ଦିଆଯାଇଛି ।
ୟୁକେରୁ କିମ୍ବା ୟୁକେ ବିମାନବନ୍ଦର ଦେଇ ଆସୁଥିବା ଯାତ୍ରୀଙ୍କୁ ସଙ୍ଗରୋଧରେ ରଖାଯାଇ ସେମାନଙ୍କ କୋଭିଡ ପରୀକ୍ଷା କରାଯାଉଛି । ରିପୋର୍ଟ ନେଗେଟିଭ ଆସିବା ପରେ ସେମାନେ ନିଜ ଘରକୁ ଯାଇପାରିବେ ବୋଲି ସରକାର ନିର୍ଦ୍ଦେଶ ଦେଇଛନ୍ତି । ଭୋପାଳରେ ସଙ୍ଗରୋଧରେ ଥିବା 24 ୟୁକେ ଫେରନ୍ତାଙ୍କ ମଧ୍ୟରୁ 20 ଜଣଙ୍କର ରିପୋର୍ଟ ନେଗେଟିଭ ଆସିଥିବାବେଳେ ଆଉ 4 ଜଣଙ୍କ ରିପୋର୍ଟ ଗୁରୁବାର ଆସିଯିବ ବୋଲି ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
