ମୁମ୍ବାଇ: କଲେଜ ପରିସରରୁ ଉଦ୍ଧାର ହୋଇଛି 2 ନାବାଳକଙ୍କ ମୃତଦେହ । ଶନିବାର ମହାରାଷ୍ଟ୍ରର କୋପ୍ରି ଥାନା ନିକଟରେ ଥିବା କେ.ସି ଇଞ୍ଜିନିୟର କଲେଜ ପରିସରରୁ ଦୁଇ ଜଣ ନାବାଳକ ମୃତଦେହ ଉଦ୍ଧାର କରାଯାଇଛି ।
ପୋଲିସର ସୂଚନା ଅନୁଯାୟୀ, ଗତ ଶୁକ୍ରବାର ନାବାଳକ ନିଖୋଜ ଥିବା ନେଇ ପରିବାର ପକ୍ଷରୁ କୋପ୍ରି ଥାନାରେ ଏକ ମାମଲା ଦାୟର କରାଯାଇଥିଲା । ଏହି ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିଥିଲା । ତେବେ ଶନିବାର କେ.ସି ଇଞ୍ଜିନିୟର କଲେଜ ନିକଟରେ ଥିବା ମିଥାଗର ଅଞ୍ଚଳରୁ ଦୁଇ ଜଣ ନାବାଳକଙ୍କ ମୃତଦେହ ମିଳିଥିଲା ।
ପ୍ରାଥମିକ ତଦନ୍ତରୁ ଦୁଇ ନାବାଳକ ସୁବାସ ନଗର ଅଞ୍ଚଳର ସୁଭମ୍ ବିନୋଦ ଦେବକାର(15) ଓ ପ୍ରବୀଣ ସତ୍ୟମ କନଚାରୀ ବୋଲି ଜଣାପଡିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ପୋଲିସ ଘଟଣାର ତଦନ୍ତ ଜାରି ରଖିଛି ।
