ଥିରୁଅନନ୍ତପୁରମ୍: ଇରାନରୁ ଭାଇରାଲ ହେଉଛି ଭିଡିଓ । କେରଳର 17 ମତ୍ସଜୀବୀ ଫସିରହିଛନ୍ତି ଇରାନରେ । କୋରୋନା ଭାଇରସ ଭୟରେ ଇରାନରୁ ଭାରତ ଫେରିବା ପାଇଁ ସମସ୍ତ ରାସ୍ତା ବନ୍ଦ ରହିଛି ।
ଇରାନରେ ଫସିଛନ୍ତି 17 ଭାରତୀୟ ମତ୍ସଜୀବୀ
ଭିଜିନଜାମ, ପୋଭାର୍, ପୋଝିଔର ଅଞ୍ଚଳର ପ୍ରାୟ 17 ଭାରତୀୟ ମତ୍ସଜୀବୀ ସେଠାରେ ଫସିରହିଛନ୍ତି। କେବଳ ଭାରତୀୟ ନୁହେଁ ବରଂ ଅନ୍ୟ ଦେଶର ମତ୍ସଜୀବୀ ପ୍ରାୟ 100 ଜଣ ଫସିରହିଛନ୍ତି । କେରଳର ମତ୍ସମନ୍ତ୍ରୀ ଜେ. ମର୍ସିକୂଟି ମିଡିଆକୁ ଏହା ସ୍ପଷ୍ଟ କରିଛନ୍ତି ।
କୋରାନ ଭାଇରସ କାରଣରୁ ଇରାନରୁ ଆସିପାରୁ ନଥିବା କହିଛନ୍ତି ସେ । ଏହାସହ ନୋର୍କା(କେରଳ ସରକାରଙ୍କ ଏକ ବିଭାଗ) ଅଫିସକୁ 17 ମାଛ ଧରାଳୀଙ୍କ ତଥ୍ୟ ଦିଆଯାଇଛି । ସେମାନେ ଭାରତୀୟ ବୈଦେଶିକ ମନ୍ତ୍ରାଳୟକୁ ପଠାଇବା ପରେ କୌଣସି ପଦକ୍ଷେପ ଗ୍ରହଣ କରାଯିବା ନେଇ ମତ୍ସମନ୍ତ୍ରୀ ସୂଚନା ଦେଇଛନ୍ତି ।
IANS ଇନପୁଟ ସହ ବ୍ୟୁରୋ ରିପୋର୍ଟ, ଇଟିଭି ଭାରତ
