ଥିରୁଅନନ୍ତପୂରମ: ସରକାରଙ୍କ ବାରମ୍ବାର ଅନୁରୋଧ ପରେ ବି କେଉଁଠି ନା କେଉଁଠି ଲକଡାଉନ ନିୟମ ଉଲ୍ଲଙ୍ଘନ କରାଯାଉଥିବା ଖବର ସାମନାକୁ ଆସୁଛି । କେରଳର ପ୍ରସିଦ୍ଧ କୋଭାଲମ ସମୁଦ୍ରରେ ଗାଧୋଇ ହେଉଥିବା 17 ବିଦେଶୀ ପର୍ଯ୍ୟଟକଙ୍କୁ ଗିରଫ କରିଛି କେରଳ ପୋଲିସ ।
ଲକଡାଉନ ଘୋଷଣା ହେବା ପରେ ମାର୍ଚ୍ଚ 22ରୁ ହୋଟେଲରେ ଏହି ପର୍ଯ୍ୟଟକମାନେ ରହୁଥିଲେ । ତେବେ କଡା ନିୟମ ସତ୍ତ୍ବେ ବି ଏମାନେ ମଙ୍ଗଳବାର ସମୁଦ୍ରରେ ଗାଧୋଇବାକୁ ଦେଖିବାକୁ ମିଳିଥିଲା । ଏନେଇ ସେମାନଙ୍କୁ ଗିରଫ କରାଯିବା ସହିତ ହୋଟେଲର ମ୍ୟାନଜର ଓ ମାଲିକଙ୍କ ନାଁ ରେ ମାମଲା ରୁଜୁ କରାଯାଇଛି ।
ତେବେ ସମସ୍ତ ପର୍ଯ୍ୟଟକ ୟୁକେ, କାନାଡା ଓ ଫ୍ରାନ୍ସର ହୋଇଥିବା ଜଣାପଡିଛି । ଆଇପିସି ଧାରା 188 ଓ 269 ଆଧାରରେ ସମସ୍ତଙ୍କ ନାମରେ ମାମାଲା ରୁଜୁ କରାଯାଇଥିବା ଜଣାପଡିଛି ।