ମୁମ୍ବାଇ: ମହାରାଷ୍ଟ୍ରରେ କୋଭିଡ-19 ପରିସ୍ଥିତି ଖୁବ ଗମ୍ଭୀର ହୋଇଛି । 25 ହଜାର ଆଡକୁ ଆଗଉଛି ଆକ୍ରାନ୍ତଙ୍କ ସଂଖ୍ୟା । ଯାହାକୁ ନେଇ ମହାରାଷ୍ଟ୍ର ସରକାରଙ୍କ ଚିନ୍ତା ବଢିବାରେ ଲାଗିଛି ।
ସୋମବାର ନୂଆ 1230ଟି କୋରୋନା ଆକ୍ରାନ୍ତ ମାମଲା ବାହାରିଛି । ଲଗାତାର ସପ୍ତାହେ ହେବ ସବୁଦିନ 1000 ଉପରେ ଆକ୍ରାନ୍ତ ଚିହ୍ନଟ ହେଉଛନ୍ତି । ସେହିପରି 24 ଘଣ୍ଟାରେ 36 ଜଣଙ୍କ ମୃତ୍ୟୁ ହୋଇଛି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା 23 ହଜାର 401 ଛୁଇଁଛି । ସେହିପରି ମୃତ୍ୟୁ ସଂଖ୍ୟା 868 ରହିଛି ।
ମୁମ୍ବାଇରେ 15 ହଜାର ପାଖାପାଖି ପହଞ୍ଚିଲାଣି ମୋଟ ଆକ୍ରାନ୍ତଙ୍କ ସଂଖ୍ୟା । ଏଠାରେ କେବଳ 14 ହଜାର 355 ଆକ୍ରାନ୍ତ ସ୍ପଷ୍ଟ ହୋଇଛନ୍ତି । ସେହିପରି ଏସିଆର ସବୁଠାରୁ ବଡ ବସ୍ତି ଧାରାବିରେ ସୋମବାର 57ଟି କେସ ବାହାରିଛି । ଏହାସହ ଏଠାରେ ମୋଟ 916 ପଜିଟିଭ ଓ 27 ମୃତ୍ୟୁସଂଖ୍ୟା ରେକର୍ଡ ହୋଇଥିବା ବ୍ରିହଣ ମୁମ୍ବାଇ ପୌର ପରିଷଦ ସୂଚନା ଦେଇଛି ।
ସୌଜନ୍ୟ@ANI
