ନୂଆଦିଲ୍ଲୀ: ଆଜି ବାଂଲାଦେଶର ପ୍ରତିଷ୍ଠାତା ବା ଜାତିର ପିତା ଶେଖ ମୁଜିବୁର ରହମାନଙ୍କ 100ତମ ଜନ୍ମ ବାର୍ଷିକୀ । ଏହି ଜନ୍ମ ବାର୍ଷିକୀ ଉତ୍ସବରେ ମୋଦି ଅଂଶଗ୍ରହଣ କରିବେ । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଉତ୍ସବରେ ଭିଡିଓ କନଫରେନ୍ସିଂ ମାଧ୍ୟମରେ ଭାଗ ନେବେ ।
କୋରୋନା ଭାଇରସ ସଙ୍କଟ ପାଇଁ ବିଶ୍ବବ୍ୟାପୀ ହାଇଆଲର୍ଟ । ଏନେଇ ମାର୍ଚ୍ଚ 17 ତାରିଖରେ ଆୟୋଜନ କରାଯାଇଥିବା କାର୍ଯ୍ୟକ୍ରମ ଗୁଡିକୁ ସାଧାରଣ ସଭା ବିନା ଅନୁଷ୍ଠିତ ହେବ । ସୂଚନା ଥାଉକି, ଏହା ପୂର୍ବରୁ ଶେଖ ମୁଜିବୁର ରହମାନଙ୍କ 100 ତମ ଜନ୍ମ ବାର୍ଷିକୀରେ ଭାଗ ନେବାକୁ ପ୍ରଧାନମନ୍ତ୍ରୀ ମୋଦି ବାଂଲାଦେଶରେ ପହଞ୍ଚିବାର କାର୍ଯ୍ୟକ୍ରମ ଥିଲା।
ବାଂଲାଦେଶର ପ୍ରଥମ ରାଷ୍ଟ୍ରପତି ଶେଖ ମୁଜିବୁର ରହମାନ 17 ମାର୍ଚ୍ଚ 1920 ରେ ଫରିଦପୁର ଜିଲ୍ଲାରେ ଜନ୍ମଗ୍ରହଣ କରିଥିଲେ। ତାଙ୍କୁ ବାଂଲାଦେଶର 'ଜାତିର ପିତା' ବୋଲି ମଧ୍ୟ କୁହାଯାଏ । ମୋଦିଙ୍କ ଏହି ଗସ୍ତ ସମୟରେ ସେ ବାଂଲାଦେଶୀ ପ୍ରତିପକ୍ଷ ଶେଖ ହସିନାଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ ବୋଲି ଆଶା କରାଯାଉଥିଲା । କିନ୍ତୁ କୋରୋନା ଭାଇରସ ପାଇଁ ଏହି ଗସ୍ତକୁ ବାତିଲ କରାଯାଇଥିଲା ।
