ବୁଲିବାକୁ ଚାହୁଁଛନ୍ତି ହେଲେ ପାଖରେ ଟଙ୍କା ନାହିଁ । ଏପରି ସମସ୍ୟା ଅନେକ ଲୋକଙ୍କ ସହ ହୋଇଥାଏ । ଯଦି ଆପଣ ଏହି ସମସ୍ୟା ଦେଇ ଗତି କରୁଛନ୍ତି ତେବେ ଏବେ ସଞ୍ଚୟ କରି ନିଜର ପସନ୍ଦର ସ୍ଥାନକୁ ବୁଲିବାକୁ ଯାଇପାରିବେ ।
କାରଣ ବ୍ୟସ୍ତ ବହୁଳ ଜୀବନ ଭିତରୁ କିଛି ସମୟ ଭ୍ରମଣରେ ଅତିବାହିତ କରିବାର ମଜ୍ଜା ହିଁ ନିଆରା । ଏହାସହ ନିଜର ପରିବାରର ଆର୍ଥିକ ସ୍ଥିତିକୁ ମଜ୍ଜବୁତ କରିବା ପାଇଁ ଟଙ୍କା ସଞ୍ଚୟ କରିବା ନିହାତି ଜରୁରୀ । ତେବେ କେଉଁ ଉପାୟ ଆପଣେଇଲେ ଟଙ୍କା ସଞ୍ଚୟ ହୋଇପାରିବ ଆସନ୍ତୁ ଜାଣିବା ...
- ଟଙ୍କା ସଞ୍ଚୟ କରିବା ପାଇଁ ବେକାର ଖର୍ଚ୍ଚକୁ ବନ୍ଦ କରିବା ସହ ନିଜର କେତେ ଗୁଡିଏ ଅଭ୍ୟାସରେ ପରିବର୍ତ୍ତନ ଆଣିବାକୁ ପଡିବ ।
- ଟଙ୍କା ବଞ୍ଚାଇବା ପାଇଁ ସର୍ବ ପ୍ରଥମେ ଯୋଜନା ପ୍ରସ୍ତୁତ କରିବାକୁ ହେବ । ଯେପରିକି ଯେଉଁ ଜିନିଷ ପ୍ରତି ଆପଣ ଟଙ୍କା ଖର୍ଚ୍ଚ କରୁଛନ୍ତି ତାହା କରିବା ଜରୁରୀ କି ନାହିଁ ।
- ଯଦି ଆପଣ ବାହାର ଖାଇବା ପ୍ରତ୍ୟେକ ଦିନ ପସନ୍ଦ କରୁଛନ୍ତି ତେବେ ଏହାକୁ ବନ୍ଦ କରି ଘରେ ଖାଇବା ପ୍ରସ୍ତୁତ କରନ୍ତୁ । ଏହା ଦ୍ବାରା ଆପଣଙ୍କ ବହୁତ ଟଙ୍କା ସଞ୍ଚୟ ହେବ ।
- ଗୋଟିଏ ମାସରେ ଆପଣ ଯଦି 5 ଦିନ କୌଣସି କଫି ସପରେ କଫି ପିଉଛନ୍ତି ଏହାକୁ ବନ୍ଦ କରି ଘରେ କଫି ପିଇହେବ । ଯାହା ଦ୍ବାରା ବହୁତ ପଇସା ବଞ୍ଚେଇ ପାରିବେ ।
- ବାହାରେ ଭଡା ଘର ନେଇ ଏକୁଟିଆ ରହୁଥିଲେ ଅନ୍ୟ ଜଣକୁ ସାଙ୍ଗରେ ରଖିବା ଦରକାର । ଯାହାଫଳରେ ଆପଣଙ୍କ ପଇସା କମ ହେବା ସହ ଉକ୍ତ ପଇସାକୁ ସଞ୍ଚୟ କରି ଆପଣ ବାହାରକୁ ବୁଲିବାକୁ ଯାଇ ପାରିବେ ।
- ଯଦି ଘରେ ଆପଣ ଇଣ୍ଟରନେଟ ଓ କେବୁଲ ରଖିଛନ୍ତି । ସେଥିମଧ୍ୟରୁ ଗୋଟିଏର ବ୍ୟବହାର କରି ଆଉ ଗୋଟିଏକୁ ବନ୍ଦ କରି ପଇସା ରଖିପାରିବେ ।
- ଟଙ୍କା ସଞ୍ଚୟ କରିବାର ସବୁଠୁ ଉତ୍ତମ ଉପାୟ ହେଉଛି ଫିକ୍ସି ଡିପୋଜିଟ କରିବା । ଏଥିରେ ସଞ୍ଚୟ ହେଉଥିବା ପଇସା ଦ୍ବାରା ବାହାରକୁ ବୁଲିବାକୁ ଯଇପାରିବେ ।
- ଘରେ ଯଦି କୌଣସି ଜିନିଷର ଜରୁରୀ ଅଛି ତେବେ ନୂଆ ସାମଗ୍ରୀ ବଦଳରେ ପୁରୁଣା ସାମଗ୍ରୀ କିଣି ପାରିବେ । ଯାହା ଫଳରେ ପଇସା ସଞ୍ଚୟ କରିପାରିବେ ।
- ମଦ ଓ ସିଗାରେଟ ପିଉଥିଲେ ଅଭ୍ୟାସରେ ପରିବର୍ତ୍ତନ କରନ୍ତୁ । ଏହି ବଦ ଅଭ୍ୟାସ ବନ୍ଦ କରିବା ଫଳରେ ବହୁ ପଇସା ବଞ୍ଚେଇ ପାରିବେ ।
