ବେଙ୍ଗାଲୁରୁ: କୋରୋନା ସଂକ୍ରମଣ ରୋକିବାକୁ ଏବେ ସାରା ଦେଶ ଲକ ଡାଉନ। ଏହି ସମୟରେ କାହାକୁ ଘରୁ ବାହାରକୁ ଯିବାକୁ ଅନୁମତି ଦିଆଯାଉ ନାହିଁ। ଏହାସହ ବିଦେଶ ଯାତ୍ରା କରିଥିବା ଲୋକଙ୍କୁ କ୍ବାରେଣ୍ଟାଇନରେ ରହିବାକୁ କୁହାଯାଉଛି। ଯଦ୍ବାରା ସେମାନେ ଅନ୍ୟ ଲୋକଙ୍କ ସଂସ୍ପର୍ଶରେ ଆସିବେ ନାହିଁ ।
କିନ୍ତୁ କର୍ଣ୍ଣାଟକର ବେଙ୍ଗାଲୁରୁରେ କ୍ବାରେଣ୍ଚାଇନରେ ଥିବା ପ୍ରାୟ 10 ଜଣ ଲୋକ ଲୁଚି ଫେରାର ହୋଇଯାଇଛନ୍ତି । ସେମାନେ ନିଜନିଜ ଗାଁକୁ ପଳାଇଥିବା ପୋଲିସ ସୂଚନା ପାଇଥିଲା । ଫଳରେ ନିୟମ ଉଲଂଘନ ନେଇ ସେମାନଙ୍କୁ ଗିରଫ କରିଛି । ଗୁରମିତକାଲ ଥାନାରେ ଏମାନଙ୍କ ନାମରେ ଅଭିଯୋଗ ହୋଇଥିବା ସୂଚନାଦେଇଛନ୍ତି ବେଙ୍ଗାଲୁରୁ ମହାନଗର ପାଳିକାର କମିଶନର ବିଏଚ ଅନିଲ କୁମାର ।
@ANI
