ମତଦାନ ପରେ ସୁରକ୍ଷାକର୍ମୀ-ମାଓବାଦୀ ମୁହାଁମୁହିଁ, ଜଣେ ନକ୍ସଲ ନିହତ

ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ସୁରକ୍ଷାକର୍ମୀଙ୍କୁ ଟାର୍ଗେଟ କରିଛନ୍ତି ନକ୍ସଲ । ଛତିଶଗଡର ନାରାୟଣପୁର ସ୍ଥିତ ଓରଚ୍ଛା ବ୍ଲକ ମୁଖ୍ୟାଳୟ ନିକଟରେ ଘଟିଛି ।

ନାରାୟଣପୁର: ସାଧାରଣ ନିର୍ବାଚନ ପାଇଁ ଆରମ୍ଭ ହୋଇଯାଇଛି ଭୋଟ ଗ୍ରହଣ ପ୍ରକ୍ରିୟା । ଆଜି ପ୍ରଥମ ପର୍ଯ୍ୟାୟ ପାଇଁ ହେଉଛି ମତଦାନ । ଅନ୍ୟପକ୍ଷେ ମାଓ ପ୍ରବଣ ଛତିଶଗଡରେ ଦେଖା ଦେଇଛି ନକ୍ସଲଙ୍କ ହିଂସାକାଣ୍ଡ । ନିର୍ବାଚନ ଡ୍ୟୁଟି ସାରି ସୁରକ୍ଷାକର୍ମୀ ଫେରୁଥିବା ବେଳେ ସେମାନଙ୍କ ଉପରେ ନକ୍ସଲମାନେ ହଠାତ ଆକ୍ରମଣ କରିଥିଲେ ।

ଘଟଣାଟି ରାଜ୍ୟର ନାରାୟଣପୁର ସ୍ଥିତ ଓରଚ୍ଛା ବ୍ଲକ ମୁଖ୍ୟାଳୟ ନିକଟରେ ଘଟିଛି । ପୋଲିସ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏହି ଗୁଳି ବିନିମୟରେ ଜଣେ ନକ୍ସଲ ପ୍ରାଣ ହରାଇଥିବା ସୂଚନା ମିଳିଛି ।