ଚେନ୍ନାଇ: ତାମିଲନାଡୁର ନମକଲ୍ଲ ସ୍ଥିତ ହନୁମାନ ମନ୍ଦିରରେ ଆରମ୍ଭ ହୋଇଯାଇଛି ହନୁମାନ ଜୟନ୍ତୀ ମହୋତ୍ସବ । ମୂଲ୍ଲା ନଟଶାସ୍ତ୍ର ଦେଖାଯିବାପରେ ଏହି ଜୟନ୍ତୀ ପାଳନ କରାଯାଇଥାଏ । ସେଥିପାଇଁ ଏହି ଅବସରରେ ଆଜି ବିଶେଷ ପୂଜାର୍ଚ୍ଚନା କରାଯାଇଛି।
ଏହି ମନ୍ଦିରରେ ଭଗବାନ ସଙ୍କଟମୋଚନଙ୍କ ଏକ 18 ଫୁଟ ଉଚ୍ଚତାର ପ୍ରତିମୂର୍ତ୍ତି ରହିଛି । ଯେଉଁଥିରେ ଜଣେ ଭକ୍ତ 1 ଲକ୍ଷ ଟଙ୍କା ସହ 8ଟି ବଡ ମାଳ ପ୍ରଦାନ କରିଛନ୍ତି । ଯାହାର ମୂଲ୍ୟ ପ୍ରାୟ 13 ଲକ୍ଷରୁ ଉର୍ଦ୍ଧ୍ବ ହେବ। ଆଜି ସକାଳ 5ଟା ସମୟରେ ମନ୍ଦିରର ଦ୍ବାର ଖୋଲାଯାଇ ସମସ୍ତ ପୂଜା ବିଦ୍ଧି ପରେ ଶଦ୍ଧାଳୁଙ୍କୁ ଦର୍ଶନ ପାଇଁ ଖୋଲା ଯାଇଥିଲା । ପ୍ରଭୁ ଶ୍ରୀ ହନୁମାନଙ୍କର ଏହି 18 ଫୁଟର ମୂର୍ତ୍ତିକୁ ସଜାଇବା ପାଇଁ ପ୍ରାୟ 4 ଦିନର ସମୟ ଲାଗିଛି ।
ମନ୍ଦିରରେ ପଲ ଅଭିଷେକମ ଜାରି ରହିଛି । ଅନ୍ୟପଟେ 2 ଟନ ଫୁଲ ସହିତ 10 ହଜାର ଲିଟର ଦୁଗ୍ଧରେ ଗାଧେଇଛନ୍ତି ପ୍ରଭୁ ହନୁମାନ। ଏଠାକାର ହନୁମାନ ଜୟନ୍ତୀ ବେଶ ଧୂମଧାମରେ ପ୍ରତ୍ୟେକ ବର୍ଷ ଡିସେମ୍ବର ମାସରେ ପାଳନ କରାଯାଏ । ଯାହାକୁ ଦେଖିବାପାଇଁ ଦୂରଦୂରାନ୍ତରୁ ଭକ୍ତଙ୍କ ସୁଅ ଛୁଟିଥାଏ । ଭକ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି 800 ପୋଲିସ ଫୋର୍ସ ମୁତୟନ କରାଯାଇଛି ।
