କୋଲକାତା: ସୋମବାର ବିଳମ୍ବିତ ରାତ୍ରିରେ 31ନଂ ଜାତୀୟ ରାଜପଥରୁ 1କୋଟି ମୂଲ୍ୟର ବ୍ରାଉନ୍ ସୁଗାର ଜବତ କରିଛି ମତିଗରା ପୋଲିସ । ଏହି ନିଶାଦ୍ରବ୍ୟ ଗୁଡିକ ଏକ ମାଲବାହୀ ଗାଡିରେ ଚାଲାଣ କରାଯାଉଥିଲା । ଏହି ଘଟଣାରେ 3 ଅଭିଯୁକ୍ତଙ୍କୁ ପୋଲିସ ଗିରଫ କରିଥିବା ସୂଚନା ମିଳିଛି ।
ଜବତ ହୋଇଥିବା ବ୍ରାଉନ୍ ସୁଗାରର ଓଜନ ପ୍ରାୟ 1.2 କିଲୋଗ୍ରାମ । ତେବେ ପୋଲିସ 31ନଂ ଜାତୀୟ ରାଜପଥରେ ଥିବା ଶିବ ମନ୍ଦିର ନିକଟରୁ ଏହି ନିଶାଦ୍ରବ୍ୟଗୁଡିକୁ ଜବତ କରିଥିଲା ।
ଏହି ଘଟଣାରେ ତିନି ଅଭିଯୁକ୍ତଙ୍କୁ ମତିଗରା ପୋଲିସ ସୋମବାର ରାତିରେ ଘଟଣାସ୍ଥଳରୁ ଗିରଫ କରିଥିଲା । ତିନି ଅଭିଯୁକ୍ତଙ୍କୁ 7 ଦିନିଆ ରିମାଣ୍ଡରେ ନେବା ପାଇଁ କୋର୍ଟରେ ଆବେଦନ କରିଛି ସିଲିଗୁଡି ମହାନଗର ପୋଲିସ ।
@ANI
