ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ଆମ୍ବ ପଠାଇଛନ୍ତି ବାଂଲାଦେଶ ପ୍ରତିପକ୍ଷ ଶେଖ ହସିନା । ବାଂଲାଦେଶରୁ ଭାରତ ଆସିଛି 2600 କିଲୋ ଆମ୍ବ ଉପହାର ।
ପ୍ରଧାନମନ୍ତ୍ରୀ ମୋଦିଙ୍କ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପାଇଁ ଏହି ଆମ୍ବ ପଠାଇଛନ୍ତି ବାଂଲାଦେଶ ପିଏମ ଶେଖ ହସିନା । ଭାରତ ଓ ବାଂଲାଦେଶ ପରସ୍ପର ଘନିଷ୍ଠ ପଡୋଶୀ ।
ସବୁ ସମୟରେ ବାଂଲାଦେଶ ସହ ଛିଡା ହୋଇଛି ଭାରତ । ମାର୍ଚ୍ଚରେ ବାଂଲାଦେଶ ଗସ୍ତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ଭାରତ ପକ୍ଷରୁ 109 ଆମ୍ବୁଲାନ୍ସ ଓ 12 ଲକ୍ଷ କୋରୋନା ଡୋଜ ଭେଟି ଦେଇଥିଲେ ।
ଏଥି ସହିତ ବାଂଲାଦେଶ ପ୍ରଧାନମନ୍ତ୍ରୀ ପିଏମ ମୋଦିଙ୍କୁ ଏକ ଘଣ୍ଟା ସମେତ ଅନେକ ଉପହାର ଦେଇଥିଲେ । ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ପ୍ରଧାନମନ୍ତ୍ରୀ ମୋଦିଙ୍କୁ ସୁନା ଓ ରୂପା ମୁଦ୍ରା ଦେଇଥିଲେ, ଯାହା ବଙ୍ଗବନ୍ଧୁ ଶେଖ ମୁଜିବୁର ରହମାନଙ୍କ ଜନ୍ମ ଶତବାର୍ଷିକୀରେ ଉନ୍ମୋଚନ କରାଯାଇଥିଲା।
