ଡେରାଡୁନ: ଉତ୍ତରାଖଣ୍ଡର ପ୍ରସିଦ୍ଧ ଶୈବପୀଠ ବଦ୍ରିନାଥ ମନ୍ଦିର ଆସନ୍ତା ମେ ମାସ 15 ତାରିଖରୁ ଶ୍ରଦ୍ଧାଳୁଙ୍କ ପାଇଁ ଖୋଲିବାକୁ ଯାଉଛି । ତେବେ ଏ ନେଇ ଚାରଧାମ ଦେବସ୍ଥାନମ ବୋର୍ଡର ଅଧିକାରୀ ମଙ୍ଗଳବାର ସୂଚନା ଦେଇଛନ୍ତି ।
ବଦ୍ରିନାଥ ମନ୍ଦିର ନରେନ୍ଦ୍ର ନଗର ରାଜଭବନରେ ବସନ୍ତ ପଞ୍ଚମି ଅବସରରେ ମନ୍ଦିରକୁ ଖୋଲାଯିବ ବୋଲି ଚାରଧାମ ବୋର୍ଡ ନିଷ୍ପତ୍ତି ନେଇଛି । ଆସନ୍ତା ମେ ମାସ 15 ତାରିଖର ଭୋର 4 ଟା 15 ମିନିଟରେ ମନ୍ଦିରକୁ ଖୋଲାଯିବ । ଏହାପରେ ଏପ୍ରିଲ 29 ତାରିଖରେ ତେଲ କଲାଶ ଯାତ୍ରା ମଧ୍ୟ ଆରମ୍ଭ ହେବ । ଶ୍ରଦ୍ଧାଳୁଙ୍କ ପାଇଁ ଗତ ନଭେମ୍ବର 19 ତାରିଖରୁ ଶୀତକାଳୀନ ଋତୁ ପାଇଁ ବଦ୍ରିନାଥ ମନ୍ଦିରର ଦ୍ବାରକୁ ବନ୍ଦ କରାଯାଇଥିଲା ।
କୋରୋନା ପାଇଁ ମନ୍ଦିର ବନ୍ଦ ହୋଇଥିବା ପରେ କିଛି ଦିନ ଖୋଲାଯାଇ ଶୀତକାଳୀନ ଋତୁ ପାଇଁ ବନ୍ଦ କରାଯାଇଥିଲା । ଶୀତ ଋତୁରେ ସେଠାରେ ତୁଷାରପାତ ହେଉଥିବାରୁ ପ୍ରତିବର୍ଷ ମନ୍ଦିରକୁ ଶୀତକାଳୀନ ଋତୁ ପାଇଁ ବନ୍ଦ କରାଯାଏ । ଆସନ୍ତା ମେ ମାସରେ ଖୋଲୁଥିବାରୁ ଭକ୍ତଙ୍କ ଅଧିକ ସମାଗମ ଆଶା କରାଯାଉଛି ।
@ANI
