ରାଞ୍ଚି: ଝାଡଖଣ୍ଡରେ ଓଡିଆ ଯବାନଙ୍କ ମୃତ୍ୟୁ । ଟ୍ରେନ ଯାତ୍ରା କରୁଥିବା ସମୟରେ ଅସାବଧାନତା ବଶତଃ ଯବାନଙ୍କ ମୃତ୍ୟୁ ଘଟିଥିବା ସୂଚନା । ମୃତ ଯବାନ ଜଣକ ଯାଜପୁର ଜିଲ୍ଲାର ଗୋବିନ୍ଦ ଦାସ ।
ସୂଚନା ଅନୁଯାୟୀ, ମୃତ ଯବାନଙ୍କ ଗୋବିନ୍ଦ ଦାସ(26) ଦିଲ୍ଲୀ-ଭୁବନେଶ୍ବର ରାଜଧାନୀ ଏକ୍ସପ୍ରେସରେ ଯାତ୍ରା କରୁଥିଲେ । ଏହିସମୟରେ ଝାଡଖଣ୍ଡର କୋଡେରମାରେ ଟ୍ରେନ ଅଟକିଥିଲା । ଗୋବିନ୍ଦ ଟ୍ରେନରୁ ଓହ୍ଲାଇ କିଛି ଜିନିଷ ଆଣିବାକୁ ଯାଇଥିଲେ । ଟ୍ରେନ ଛାଡିବାରୁ ଗୋବିନ୍ଦ ତରବର ହୋଇ ଗାଡିକୁ ଚଢିବା ସମୟରେ ତାଙ୍କ ଗୋଡ ଖସି ଯାଇଥିଲା । ଫଳରେ ଟ୍ରେନ ତଳେ ଚାପି ହୋଇ ଗୋବିନ୍ଦଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ଖବର ପାଇ ସ୍ଥାନୀୟ GRP ପୋଲିସ ପହଞ୍ଚି ମୃତଦେହ ଜବତ କରି ବ୍ୟବହଚ୍ଛେଦ ପାଇଁ ପଠାଇଛି । ରିପୋର୍ଟ ଆସିବା ପରେ ମୃତଦେହ ଘରକୁ ପଠାଇ ଦିଆଯିବ ବୋଲି ସୂଚନା ମିଳିଛି ।
