ଶ୍ରୀନଗର: ଜମ୍ମୁକାଶ୍ନୀରରେ ଥମୁନି ଆତଙ୍କୀ କାର୍ଯ୍ୟକଳାପ । କୁଲଗାମରେ ଅପନୀ ପାର୍ଟି ନେତାଙ୍କୁ ଗୁଳି କରି ହତ୍ୟା କଲେ ଆତଙ୍କୀ । ମୃତକ ଅପନୀ ପାର୍ଟିର ଜୋନାଲ ଅଧ୍ୟକ୍ଷ ଗୁଲାମ ହସନ ଲୋନ ବୋଲି ଜଣାପଡିଛି ।
ସୂଚନା ଅନୁଯାୟୀ, ଲୋନଙ୍କ ଘରେ ପଶି ଗୁଳି ଚଳାଇଥିଲେ ଆତଙ୍କବାଦୀ । ଗୁଳିମାଡରେ ଗୁରୁତ ଆହତ ହୋଇଥିଲେ ଲୋନ । ସଙ୍କଟାପନ୍ନ ଅବସ୍ଥାରେ ତାଙ୍କୁ ହସ୍ପିଟାଲ ଅଣାଯାଉଥିବା ରାସ୍ତାରେ ତାଙ୍କ ମୃତ୍ୟୁ ହୋଇଯାଇଛି ।
ଲୋନ ଚାରି ମାସ ପୂର୍ବରୁ ପିଡିପିରୁ ଇସ୍ତଫା ଦେଇ ଅପନୀ ପାର୍ଟିରେ ଯୋଗ ଦେଇଥିଲେ। ଘଟଣାକୁ ନେଇ ଜମ୍ମୁକାଶ୍ମୀର ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । 15 ଦିନ ମଧ୍ୟରେ ଏହା ତୃତୀୟ ଘଟଣା, ଯେଉଁଥିରେ ପୁଣି ଜଣେ ନେତାଙ୍କୁ ଗୁଳି କରି ହତ୍ୟା କରିଛନ୍ତି ଆତଙ୍କୀ ।
ମଙ୍ଗଳବାର ଜମ୍ମୁ କାଶ୍ମୀର କୁଲଗାମରେ ଭାରତୀୟ ଜନତା ପାର୍ଟି ନେତାଙ୍କୁ ହତ୍ୟା କରିଥିଲେ ଆତଙ୍କୀ । ମୃତ ବିଜେପି ନେତା ଜାଭେଦ ଅହମଦ ଡାର କୁଲଗାମ ହୋମଶାଲୀବାଗ ଅଞ୍ଚଳର ବିଜେପିର ନିର୍ବାଚନ ଇନଚାର୍ଜ ଥିଲେ ।
