ରାୟପୁର: ଛତିଶଗଡର ସୁକମାରେ ହୋଇଥିବା ନକ୍ସଲ ଆକ୍ରମଣରେ 22 ଯବାନ ଶହୀଦ ହୋଇଛନ୍ତି । ଯବାନମାନଙ୍କ ଏହି ବଳିଦାନ ବ୍ୟର୍ଥ ଯିବନି । ନକ୍ସଲଙ୍କ ବିରୋଧରେ ଅପରେସନ ଜାରି ରହିଛି ନକ୍ସଲ ପ୍ରବଣ ଅଞ୍ଚଳରେ କ୍ୟାମ୍ଫ ଗଠନ କରାଯିବ ବୋଲି କହିଛନ୍ତି ଛତିଶଗ଼ଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ।
ଆସାମ ବିଧାନସଭା ନିର୍ବାଚନ ପାଇଁ ଆସାମରେ ପ୍ରଚାର କରିଥିଲେ ଛତିଶଗତ ମୁଖ୍ୟମନ୍ତ୍ରୀ ଭୂପେଶ ବାଘେଲ । ରବିବାର ରାୟପୁର ଫେରିବା ସମୟରେ ବିମାନବନ୍ଦରରେ ବରିଷ୍ଠ ପ୍ରଶାସନ ଏବଂ ପୋଲିସ ଅଧିକାରୀଙ୍କ ସହିତ ବିଜାପୁର ନକ୍ସଲ ଆକ୍ରମଣ ବିଷୟରେ ଆଲୋଚନା କରିଥିଲେ । ମୁଖ୍ୟମନ୍ତ୍ରୀ ଭୁପେଶ ବାଘେଲ କହିଛନ୍ତି ଆମ ଯବାନ ଏହି ଯୁଦ୍ଧରେ ଶହୀଦ ହୋଇଛନ୍ତି । ଏହା ପରେ ବି ସାହସର ସହିତ ଲଢିଛନ୍ତି । ମୁଁ ସେମାନଙ୍କୁ କୋଟି କୋଟି ପ୍ରଣାମ କରୁଛି । ସେ ଆହୁରି କହିଛନ୍ତି ନକ୍ସଲମାନଙ୍କ ବିରୁଦ୍ଧରେ ଯୁଦ୍ଧରେ ଜିତିବାକୁ ସୁରକ୍ଷା ବାହିନୀ ଅତ୍ୟଧିକ ଉତ୍ସାହିତ ଏବଂ ସଂକଳ୍ପବଦ୍ଧ ।
ଏହି ନକ୍ସଲ-ପୋଲିସର ମୁକାବିଲା ବିଜାପୁରର ନକ୍ସଲମାନଙ୍କ ପାଇଁ ବହୁ କ୍ଷତି ଘଟାଇଛି। ଆମକୁ ସୂଚନା ମିଳିଛି ଯେ ନକ୍ସଲମାନେ ସେମାନଙ୍କ ସାଥୀଙ୍କ ମୃତଦେହ ଓ ଆହତ ସାଥୀଙ୍କୁ ଏନକାଉଣ୍ଟର ସ୍ଥାନରୁ ଚାରିଟି ଟ୍ରାକ୍ଟରରେ ନେଇ ଯାଇଥିବା କହିଛନ୍ତି ବଘେଲ । ସେ ଆହୁରି ମଧ୍ୟ କହିଛନ୍ତି ଯେ ଏହି ଯୁଦ୍ଧ ଚାରି ଘଣ୍ଟା ଧରି ଚାଲିଥିଲା ଏବଂ ସୁରକ୍ଷା ବାହିନୀ ନକ୍ସଲ ପ୍ରଭାବିତ ଅଞ୍ଚଳରେ ପ୍ରବେଶ କରି ବୀରତ୍ୱର ସହତି ଯୁଦ୍ଧ କରିଥିଲେ। ଛତିଶଗଡରେ ନକ୍ସଲମାନଙ୍କ ପ୍ରଭାବ ଦ୍ରୁତ ଗତିରେ ହ୍ରାସ ପାଉଛି ଏବଂ ବର୍ତ୍ତମାନ ଏହା ରାଜ୍ୟର ସୀମିତ ରହିଛି ।
ନକ୍ସଲ ଆକ୍ରମଣ ପରେ ପରିସ୍ଥିତି ଅନୁଧ୍ୟାନ କରିବା ପାଇଁ ଛତିଶଗଡରେ ଥିବା ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆରପିଏଫ) ର ମହାନିର୍ଦ୍ଦେଶକ କୁଲଦୀପ ସିଂ ରବିବାର କହିଛନ୍ତି ଯେ ଏହି ଅପରେସନରେ ଗୁପ୍ତଚର ବିଫଳ ହୋଇନାହିଁ । ସିଂ ସୂଚନା ଦେଇଛନ୍ତି ଯେ ପାଖାପାଖି 25 ରୁ 30 ନକ୍ସଲଙ୍କର ମୃତ୍ୟୁ ହୋଇଛି । ଯଦିଓ ପ୍ରକୃତ ସଂଖ୍ୟା ଏପର୍ଯ୍ୟନ୍ତ ଜଣାପଡିନାହିଁ ।
2000 ସେନାଙ୍କୁ ନକ୍ସଲ ପ୍ରବଣ ଅଞ୍ଚଳରେ କ୍ୟାମ୍ପ ସ୍ଥାପନ କରିବାରୁ ପଠାଯାଇଛି । ଏହି କ୍ୟମ୍ଫ ସେମାନଙ୍କ ଗତିବିଧି ଉପରେ ଦୃଷ୍ଟି ରଖିବ । ସୁକମା ଆକ୍ରମଣରେ ଶହୀଦ ହୋଇଥିବା ଯବାନଙ୍କର ପରିବାରର ସହିତ ମୋର ସମବେଦନା ରହିଛି । ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ବିଜାପୁର ଗସ୍ତ କରିବେ । ସେଠାରେ ଶହୀଦ ହୋଇଥିବା ଯବାନଙ୍କୁ ଶ୍ରଦ୍ଧାଞ୍ଜଳି ଦେବା ସହିତ ଆହତ ଯବାନଙ୍କୁ ଭେଟିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
