ଚେନ୍ନାଇ: ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ AIADMKର ପୂର୍ବତନ ମନ୍ତ୍ରୀ କାମରାଜଙ୍କ ବାସଭବନରେ ଆୟକର ବିଭାଗର ଚଢାଉ କରିଛି । ତାମିଲନାଡୁର ଦୁର୍ନୀତି ନିବାରଣ ବ୍ୟୁରୋ ଭିଜିଲାନ୍ସ ପକ୍ଷରୁ ଆଜି (ଶନିବାର) ଏହି ଚଢାଉ କରାଯାଇଛି । ତାଙ୍କ ନାମରେ ଏବଂ ତାଙ୍କ ସାଙ୍ଗଙ୍କ ନାମରେ ମୋଟ 588 କୋଟି 44 ଲକ୍ଷ 38 ହଜାର 252 ମୂଲ୍ୟର ସମ୍ପତ୍ତି ଥିବା ଅଭିଯୋଗ ହୋଇଛି ।
ବିଭାଗର ସୂଚନା ମୁତାବକ, କାମରାଜଙ୍କ 49ଟି ଠିକଣାରେ ଏବଂ ଚେନ୍ନାଇର 6 ଟି ସ୍ଥାନରେ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢାଉ ଜାରି ରହିଛି । ଏହାସହ ତିରୁଭରୁର ଜିଲ୍ଲାର ମନ୍ନାରଗୁଡା ସ୍ଥିତ ବାସଭବନ ସମେତ ସମ୍ପର୍କୀୟଙ୍କ ସହ ମୋଟ ୪୯ ସ୍ଥାନରେ ଚଢାଉ ଜାରି ରହିଛି ।
ସୂଚନାଅନୁସାରେ, AIADMKର ମନ୍ତ୍ରୀ ନିଜ ପଦବୀର ଦୂରୁପଯୋଗ କରିବା ସହ ବେଆଇନ କାରବାର ନେଇ ଅଭିଯୋଗ ହୋଇଥିଲା । ସେହି ଆଧାରରେ ଚେନ୍ନାଇ, କୋଏମ୍ବାଟୁର, ତ୍ରିଚି, ଥାନଜାଭୁର ଏବଂ ତିରୁଭରୁର ଜିଲ୍ଲାର ୪୯ ସ୍ଥାନରେ ଚଢାଉ ଜାରି ରହିଛି । ଏହାସହ ମନ୍ତ୍ରୀ, ପୁଅ ଇନିୟାନ, ଇନବାନ୍ ସହ ୬ ଜଣଙ୍କ ନାମରେ ଥାନାରେ ମାମଲା ରୁଜୁ କରିଛି ଦୁର୍ନୀତି ନିବାରଣ ପୋଲିସ । ଅନ୍ୟପଟେ କାମରାଜଙ୍କ ବାସଭବନରେ ଚଢାଉକୁ ନେଇ ସମର୍ଥକମାନେ ବିକ୍ଷୋଭ ପ୍ରଦର୍ଶନ କରିଥିବା ଦେଖାଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
