ନୂଆଦିଲ୍ଲୀ: ନାରଗିକତା ସଂଶୋଧନ ଆଇନ(CAA) ବିରୋଧରେ ଉତ୍ତେଜନାପୂର୍ଣ୍ଣ ବକ୍ତବ୍ୟ ଅଭିଯୋଗରେ ଜେଏନୟୁ ଛାତ୍ର ଶର୍ଜିଲଙ୍କ ବିରୋଧରେ ଚାର୍ଜଫ୍ରେମ । ସିଏଏ ଏବଂ ଜାତୀୟ ନାଗରିକ ପଞ୍ଜିକା(NRC) ବିରୋଧରେ ୨୦୧୯ରେ ଦେଶର ବିଭିନ୍ନ ପ୍ରାନ୍ତରେ ହୋଇଥିବା ଉତ୍ତେଜନା ସୃଷ୍ଟିକାରୀ ଭାଷଣ ପାଇଁ ଜବାହାରଲାଲ ନେହେରୁ ବିଶ୍ବବିଦ୍ୟାଳୟ ଛାତ୍ର ଶର୍ଜିଲ ଇମାନଙ୍କ ନାମରେ ଦିଲ୍ଲୀର ଏକ କୋର୍ଟ ଚାର୍ଜଫ୍ରେମ କରିଛନ୍ତି ।
ଦେଶଦ୍ରୋହ ସମେତ ଧର୍ମ ନାମରେ ବିଭେଦ ସୃଷ୍ଟି କରିବା ଏବଂ ବେଆଇନ କାର୍ଯ୍ୟକଳାପ ନିବାରଣ ଆଇନ-ୟୁଏପିଏର ଧାରା ୧୩ରେ ଏହି ଚାର୍ଜଫ୍ରେମ ହୋଇଛି । ଏ ନେଇ ଅତିରିକ୍ତ ଦୌରାଜଜ ଅମିତାଭ ରାୱତ ତାଙ୍କ ଆଦେଶରେ କହିଛନ୍ତି । ୨୦୧୯ ଡିସେମ୍ବର ୧୩ରେ ଭାରତରୁ ଆସାମ ଓ ଉତ୍ତର-ପୂର୍ବାଞ୍ଚଳକୁ ବିଚ୍ଛିନ୍ନ କରିବା ପାଇଁ ଶର୍ଜିଲ ଇମାମ ଦିଲ୍ଲୀର ଜାମିଆ ମିଲିଆ ବିଶ୍ବବିଦ୍ୟାଳୟ ଏବଂ ଉତ୍ତରପ୍ରଦେଶ ଆଲିଗଡ ମୁସଲିମ ବିଶ୍ବବିଦ୍ୟାଳୟରେ ଉତ୍ତେଜନାପୂର୍ଣ୍ଣ ଭାଷଣ ଦେଇଥିଲେ । ଧାରା ୧୨୪ଏ(ଦେଶଦ୍ରୋହ), ୧୫୩ଏ( ଧର୍ମ ନାମରେ ବିଭିନ୍ନ ସମ୍ପ୍ରଦାୟ ମଧ୍ୟରେ ଶତ୍ରୁତା), ୧୫୩ବି( ଜାତୀୟ ସଂହତି କ୍ଷୂର୍ଣ୍ଣ) ୫୦୫ବି ( ବେଆଇନ କାର୍ଯ୍ୟକଳାପ ପ୍ରତିକାର ଆଇନ) ର ଧାରା ୧୩ରେ ଚାର୍ଜଫ୍ରେମ ହୋଇଛି ।
ଏହା ବି ପଢନ୍ତୁ...Republic Day Parade: CRPF ପ୍ରଜ୍ଞାପନ ମେଢର ନେତୃତ୍ବ ନେବେ ଓଡିଆ ଝିଅ
ଏହାପରେ ଘଟଣାକୁ ନେଇ ୨୦୨୦ରେ କ୍ରାଇମବ୍ରାଞ୍ଚ ପୋଲିସ ଶର୍ଜିଲଙ୍କ ବିରୋଧରେ ଆଇପିସି ଧାରାରେ ବିଭିନ୍ନ ଦଫା ଲଗାଇଥିଲା । ଶର୍ଜିଲ ଦେଇଥିବା ଉତ୍ତେଜନାପୂର୍ଣ୍ଣ ଭାଷଣ ମୋବାଇଲରୁ ମୋବାଇଲ ଘୁରି ବୁଲିଥିଲା । ଉତ୍ତେଜନାପୂର୍ଣ୍ଣ ଭାଷଣ ଦେଇ ଲୋକଙ୍କୁ ଉସୁକାଉଥିବା ଅଭିଯୋଗ ହୋଇଥିଲା । ଉଦ୍ଦେଶ୍ୟମୂଳକ ଭାବେ କେନ୍ଦ୍ର ସରକାରଙ୍କ ବିରୋଧରେ ଘୃଣା, ଅବମାନନା ଓ ଅସନ୍ତୋଷ ମାହୋଲ ସୃଷ୍ଟି କରୁଥିବା ଅଭିଯୋଗରେ ଦାୟର ହୋଇଥିଲା । ଏହା ପରେ ସେ ବିବାଦ ଭିତରକୁ ଟାଣି ହୋଇଥିଲେ ।
