ଡେରାଡୁନ: କେଦାରନାଥରେ ଧସିଲା ବରଫ ପାହାଡ(Huge avalanche near Kedarnath shrine)। ଆଜି(ଶନିବାର)ସକାଳେ ଦେବଭୂମି ଉତ୍ତରାଖଣ୍ଡର ପବିତ୍ର କେଦାରନାଥ ଧାମ(Kedarnath Dham)ରେ ଭୟଙ୍କର ହିମସ୍ଖଳନ ହୋଇଛି । ତେବେ ଏଥିରେ କେଦାରନାଥ ମନ୍ଦିରର କୌଣସି କ୍ଷୟକ୍ଷତି ହୋଇନାହିଁ । ମନ୍ଦିର ସମ୍ପୂର୍ଣ୍ଣ ସୁରକ୍ଷିତ ଥିବା ଶ୍ରୀ ବଦ୍ରିନାଥ-କେଦାରନାଥ ମନ୍ଦିର କମିଟି ପକ୍ଷରୁ ସୂଚନା ଦିଆଯାଇଛି । ତେବେ ଏହି ହିମସ୍ଖଳନ ଯୋଗୁଁ ଚାରିଧାମ ଯାତ୍ରା ପ୍ରଭାବିତ ହେବା ନେଇ ଏ ଯାଏଁ କୌଣସି ହସ୍ତଗତ ହୋଇନାହିଁ ।
ବଦ୍ରିନାଥ-କେଦାରନାଥ ମନ୍ଦିର କମିଟି(Shri Badrinath Kedarnath Temple Committee) ସଭାପତି ଅଜେନ୍ଦ୍ର ଅଜୟ କହିଛନ୍ତି, ''ଆଜି ସକାଳ ସମୟରେ କେଦାରନାଥ ମନ୍ଦିର ପଛ ପଟୁ ହିମାଳୟ ପର୍ବତରୁ ବିଶାଳକାୟ ବରଫଖଣ୍ଡ ଖସିଥିଲା । ଏହାଯୋଗୁଁ ମନ୍ଦିରର କୌଣସି କ୍ଷତି ହୋଇନାହିଁ ।'' ହେଲେ ହଠାତ୍ ବରଫଖଣ୍ଡ ଖସିବା ଦେଖି କେଦାରନାଥ ଧାମରେ ଥିବା ତୀର୍ଥଯାତ୍ରୀମାନେ ଭୟଭୀତ ହୋଇଯାଇଥିଲେ । ତେବେ ଗତମାସ ପରଠୁ ହିମସ୍ଖଳନର ଏହା ଦ୍ବିତୀୟ ଘଟଣା ।
