ଶ୍ରୀନଗର: ଦୁଇ ଦିନିଆ ଜମ୍ମୁ କାଶ୍ମୀର ଗସ୍ତରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଆଜି ଗସ୍ତର ଦ୍ବିତୀୟ ଦିନରେ ମୌଲାନା ଆଜାଦ ଷ୍ଟାଡିୟମରେ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF) ର ୮୩ ତମ ରାଇଜିଂ ଡେ ପରେଡ କାର୍ଯ୍ୟକ୍ରମରେ ସାମିଲ ହେବେ ଶାହା।
ପ୍ରଥମ ଥର ପାଇଁ ଜାତୀୟ ରଜଧାନୀ ଦିଲ୍ଲୀ ପରିବର୍ତ୍ତେ ଜମ୍ମୁକାଶ୍ମୀରରେ CRPF ରାଇଜିଂ ଡେ ପାଳନ କରୁଛି । ଆଜି ଅମରନାଥ ଯାତ୍ରା ଏବଂ ପ୍ରସ୍ତାବିତ ବିଧାନସଭା ନିର୍ବାଚନ ପୂର୍ବରୁ କେନ୍ଦ୍ର ଗୃହମନ୍ତ୍ରୀ ସୁରକ୍ଷା ବ୍ୟବସ୍ଥାକୁ ମଧ୍ୟ ସମୀକ୍ଷା କରିବା ନେଇ ସୂଚନା ମିଳିଛି । ଗତ ପାଞ୍ଚ ମାସ ମଧ୍ୟରେ ଜମ୍ମୁ କାଶ୍ମୀରକୁ ଶାହାଙ୍କର ଏହା ହେଉଛି ଦ୍ୱିତୀୟ ଗସ୍ତ । ଏହାପୂର୍ବରୁ ସେ ପାଞ୍ଚ ଦିନିଆ ଗସ୍ତ କରିଥିଲେ।
୧୯୫୦ ମସିହାରେ ତତ୍କାଳୀନ ଗୃହମନ୍ତ୍ରୀ ସର୍ଦ୍ଦାର ବଲ୍ଲଭ ପଟେଲ CRPF ଅଧିନିୟମ ପ୍ରଣୟନ କରିବା ପରେ ସେହିଦିନ ଠାରୁ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ ରାଇଜିଂ ଡେ ପାଳନ କରାଯାଉଛି ।
@ANI
