ନୂଆଦିଲ୍ଲୀ: ବାତ୍ୟା ତାଉ'ତେକୁ ନେଇ ଆଜି ରାଜସ୍ଥାନ, ମହାରାଷ୍ଟ୍ର, ଗୁଜୁରାଟର ମୁଖ୍ୟମନ୍ତ୍ରୀ ଏବଂ ଦାଦ୍ରା ଓ ନଗର ହାଭେଳିର ପ୍ରଶାସକଙ୍କ ସହ ଆଲୋଚନା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । କେନ୍ଦ୍ର ସରକାରଙ୍କ ତରଫରୁ ଆବଶ୍ୟକ ସହାୟତା ବିଷୟରେ ରାଜ୍ୟ ସରକାରଙ୍କ ସହ ଆଲୋଚନା କରିଛନ୍ତି ଗୃହ ମନ୍ତ୍ରୀ ।
ସୋମବାର ରାତିରେ ବତ୍ୟା ତାଉ'ତେ ଗୁଜୁରାଟ ପଶ୍ଚିମ ଉପକୂଳରେ ଲ୍ୟାଣ୍ଡଫଲ କରିଥିଲା । ବାତ୍ୟା ତାଉତେ ଦୀର୍ଘ 3 ଘଣ୍ଟାଧରି ତାଣ୍ଡବ ରଚାଇଥିବା ନେଇ ଆଇଏମଡି ତରଫରୁ କୁହାଯାଇଛି । ଏହା ସହ ଉପକୂଳ ଅଞ୍ଚଳ ଗୁଡିକରୁ ଲୋକଙ୍କୁ ସ୍ଥାନାନ୍ତରିତ କରାଯାଇଥିଲା । ତେବେ ବାତ୍ୟା ତାଉ'ତେ ପଶ୍ଚିମ ତଟର ଅନେକ ରାଜ୍ୟ ଉପରେ ପ୍ରଭାବ ପକାଇଛି । ଅନେକ ଗଛ ଉପୁଡି ପଡିବା ସହ ବିଦ୍ୟୁତ ସେବା ମଧ୍ୟ ବାଧାପ୍ରାପ୍ତ ହୋଇଛି । ତାଉ'ତେ ଏବେ ଧିରେ ଧିରେ ଦୁର୍ବଳ ହୋଇଥିବା କହିଛି ଭାରତୀୟ ପାଣିପାଗ ବିଭାଗ ।
@ANI
