ଲକ୍ଷ୍ନୌ: କୋଭିଡ ଟିକାକରଣ ନେଇ ସାରା ଦେଶରେ ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଞ୍ଚିଥିବାବେଳେ ବିସ୍ଫୋରକ ମନ୍ତବ୍ୟ ଦେଇଛନ୍ତି ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ । ଅଖିଳେଶ କହିଛନ୍ତି ମୁଁ ବିଜେପି ଦ୍ବାରା ପ୍ରଦାନ ହେବାକୁ ଥିବା ଟୀକାକୁ ବିଶ୍ବାସ କରିପାରୁନାହୁଁ । ତେଣୁ ଏହାକୁ ଆମେ ଗ୍ରହଣ କରିପାରିବୁ ନାହିଁ । ଆଗାମୀ କିଛି ଦିନରେ ହେବାକୁ ଥିବା ଟିକାକରଣ ପ୍ରକ୍ରିୟାରେ ସେ ଭାଗ ନେବା ନେଇ ଅନିଚ୍ଛା ପ୍ରକାଶ କରିଛନ୍ତି ।
ବିଜେପି ସରକାରର ଟିକାକରଣର ବିଶ୍ବସନୀୟତା ଉପରେ ପ୍ରଶ୍ନ ଉଠାଇଲେ ଅଖିଳେଶ
ସେହିପରି ସେ ଆହୁରି ମଧ୍ୟ କହିଛନ୍ତି ଯେ ତାଙ୍କ ଦଳ ଚଳିତବର୍ଷ ବିଧାନସଭା ନିର୍ବାଚନରେ କ୍ଷମତାକୁ ଆସିଲେ ରାଜ୍ୟର ସମସ୍ତଙ୍କୁ ମାଗଣା ଟୀକା ପ୍ରଦାନ କରାଯିବା ନେଇ ମଧ୍ୟ ଘୋଷଣା କରିଛନ୍ତି । ଚଳିତବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
