ପାଟନା: ବିହାର ରାଜନୈତିକ ହଲଚଲ ମଧ୍ୟରେ ରାଜଭବନରେ ପହଞ୍ଚି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ, ନୀତିଶ କୁମାର ତୁରନ୍ତ ଆରଜେଡି ନେତା ତେଜସ୍ବୀ ଯାଦବଙ୍କ ବାସଭସନରେ ପହଞ୍ଚିଛନ୍ତି । ରାଜଧାନୀ ପାଟନାରେ ଥିବା ରାବିଡି ଦେବୀଙ୍କ ବାସଭବନରେ ନୀତିଶ କୁମାର, ତେଜସ୍ବୀ ଯାଦବଙ୍କ ମଧ୍ୟରେ ଗୁରୁତ୍ବପୂର୍ଣ୍ଣ ଆଲୋଚନା ଜାରି ରହିଛି । ଆଉ କିଛି ସମୟ ମଧ୍ୟରେ ଉଭୟ ନୀତିଶ ଓ ତେଜସ୍ବୀ ମିଳିତ ପ୍ରେସମିଟ କରିବେ ।
ତେଜସ୍ବୀ ଯାଦବ ଉପ ମୁଖ୍ୟମନ୍ତ୍ରୀ ପଦ ସହ ନିଜ ପାଖରେ ଗୃହ ବିଭାଗ ମଧ୍ୟ ରଖିବା ପାଇଁ ଆଗ୍ରହ ପ୍ରକାଶ କରିଥିବା ସୂଚନା ମିଳିଛି । ତେଜସ୍ବୀଙ୍କ ବଡ ଭାଇ ତେଜ ପ୍ରତାପ ମଧ୍ୟ କ୍ୟାବିନେଟରେ ଗୁରୁତ୍ବପୂର୍ଣ୍ଣ ପଦବୀରେ ରହିବା ନେଇ ଚର୍ଚ୍ଚା ଲାଗି ରହିଛି । କିଛି ସମୟ ପରେ ହେବାକୁଥିବା ପ୍ରେସମିଟରେ ଆଗାମି କାର୍ଯ୍ୟକ୍ରମ ନେଇ ସୂଚନା ମିଳିବା ନେଇ ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
