ନୂଆଦିଲ୍ଲୀ: ରାଜସ୍ଥାନର ଆଜେମର ସରିଫ ଦରଘାକୁ ଚାଦର ପଠାଇଛନ୍ତି ଆଫଗାନିସ୍ତାନ ରାଷ୍ଟ୍ରପତି ଅସରଫ ଘନୀ । ଭାରତରେ ଥିବା ଆଫଗାନିସ୍ତାନ ଦୂତାବାସ ଜରିଆରେ ରାଷ୍ଟ୍ରପତି ଘନୀ ଆଜମେର ସରିଫ ଦରଘାର ଖ୍ବାଜା ମୋଇଉଦ୍ଦିନ ଚିସ୍ତିଙ୍କ ପାଇଁ ଏହି ଚାଦର ପଠାଇଛନ୍ତି । ଚାଦର ସହ ଏକ ଚିଠିରେ କିଛି ସନ୍ଦେଶ ମଧ୍ୟ ପଠାଇଛନ୍ତି ରାଷ୍ଟ୍ରପତି ଘନୀ ।
ସୋମବାର ଆଜମେରରେ ଖ୍ବାଜା ମୋଇଉଦ୍ଦିନ ଚିସ୍ତିଙ୍କ 809 ତମ ଉର୍ସ ଅବସରରେ ଚାଦର ହସ୍ତାନ୍ତର କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗେରୁଆ ରଙ୍ଗର ଏକ ଚାଦରକୁ ସଂଖ୍ୟାଲଘୁ ବ୍ୟାପାର ମନ୍ତ୍ରୀ ମୁଖତାର ଆବାସ ନକବୀଙ୍କୁ ହସ୍ତାନ୍ତର କରିଥିଲେ, ଯାହାକୁ ନକବୀ ଦରଘାରେ ଚଢାଇ ସାରିଛନ୍ତି ।
ତେବେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ଖ୍ବାଜା ମୋଇଉଦ୍ଦିନ ଚିସ୍ତିଙ୍କ 809 ତମ ଉର୍ସ ଅବସରରେ ଆଜମେର ସରିଫକୁ ଚାଦର ହସ୍ତାନ୍ତର କରିଛନ୍ତି ।
