ଚଣ୍ଡିଗଡ: ଦେଶରେ କୋରୋନା ଆତଙ୍କ ଲାଗି ରହିଛି । ସଂକ୍ରମଣ ରୋକିବାକୁ ସରକାର କୋରୋନା ଗାଇଡଲାଇନକୁ କଡାକଡି କରିଛନ୍ତି ଏବଂ ଖିଲାପକାରୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ହେଉଛି । ସେହିପରି ଗାଇଡଲାଇନ ଉଲ୍ଲଙ୍ଘନ କରି ଗିରଫ ହୋଇଛନ୍ତି ଅଭିନେତା ଦୀପ ସିଦ୍ଧୁ । ପଞ୍ଜାବ ପୋଲିସ ସିଦ୍ଧୁଙ୍କୁ ଗିରଫ କରିଛି ।
ସୂଚନାଯୋଗ୍ୟ, ଦୀପ ସିଦ୍ଧୁ ପଞ୍ଜାବର ଫରିଦାକୋଟ ଅନ୍ତର୍ଗତ ଜୈଟୁ ଏବଂ ମାତା ଗ୍ରାମରେ ଏକ ଜନ ସମାବେଶକୁ ସମ୍ବୋଧିତ କରିଥିଲେ । ଏହି ସମୟରେ ସେ ମୁହଁରେ ମାସ୍କ ପିନ୍ଧି ନଥିଲେ । ଯେଉଁ କାରଣରୁ ପଞ୍ଜାବ ପୋଲିସ ତାଙ୍କୁ ଗିରଫ କରିଛି । ଅଭିନେତା ସିଦ୍ଧୁଙ୍କ ନାମରେ ଭାରତୀୟ ଦଣ୍ଡ ବିଧାନର ଧାରା 188, 269 ଏବଂ ଏପିଡେମିକ ଡିଜିଜ ଆକ୍ଟ ଆଧାରରେ ଏକ ମାମଲା ରୁଜୁ ହୋଇଛି । ଏନେଇ ପୋଲିସ ପକ୍ଷରୁ ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
