ନୂଆଦିଲ୍ଲୀ : ଗୁଜୁରାଟରେ ଆପ ନେତା ଇସୁଦାନ ଗଡଭୀଙ୍କ ଜନ ସମ୍ବାଦ ଯାତ୍ରା ରାଲିରେ ଆକ୍ରମଣ ଘଟଣା । ଏନେଇ ମୁହଁ ଖୋଲିଛନ୍ତି ଆପ ମୁଖ୍ୟ ଅରବିନ୍ଦ କେଜ୍ରିଓ୍ବାଲ । ଏହି ଆକ୍ରମଣ ପଛରେ ବିଜେପିର ହାତ ଥିବା ଅଭିଯୋଗ ଆଣିଛନ୍ତି ଆପ ମୁଖ୍ୟ ।
ଗୁଜରାଟ ନିର୍ବାଚନରେ ଆପର ପ୍ରବେଶ ଏବଂ ଏହାର ସମର୍ଥନ ବଢୁ ଥିବାରୁ ବିଜେପି ଭୟ କରୁଛି । ତେବେ ଗୁଜୁରାଟରେ କେହି ସୁରକ୍ଷିତ ନୁହଁନ୍ତି। ଏହି ହିଂସା ହେଉଛି ବିଜେପି କ୍ରୋଧ ଓ ପରାଜୟ ଚିତ୍ର ବୋଲି ସେ କହିଛନ୍ତି । ଗୁଜୁରାଟବାସୀଙ୍କୁ ଭଲ ସୁବିଧା ଦେଇ ଲୋକଙ୍କ ହୃଦୟ ଜିତନ୍ତୁ । ବିରୋଧୀଙ୍କୁ ଆକ୍ରମଣ କରି ସେମାନଙ୍କୁ ଭୟଭିତ କରି ନୁହେଁ ।
ରାଜ୍ୟରେ ଆପ ନେତାଙ୍କ ସୁରକ୍ଷା ପାଇଁ ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୁପାନିଙ୍କ ସହିତ ମଧ୍ୟ କଥାବାର୍ତ୍ତା କରିଥିଲେ ଅରବିନ୍ଦ କେଜ୍ରିଓ୍ବାଲ । ଆକ୍ରମଣ କରିଥିବା ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହେବା ଦରକାର । ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ।
ବୁଧବାର ଦିନ ଗାଡିଭିଙ୍କ ରାଲି ଜୁନାଗଡରେ ଯେଉଁ ସମୟରେ ପହଞ୍ଚି ଥିଲା। ସେତେବେଳେ କଳା ପତାକା ଧରି ଦଳେ ଲୋକ ଠିଆ ହୋଇଥିଲେ । ସେମାନେ ହିଁ ରାଲି ଉପରେ ଆକ୍ରମଣ କରିଥିଲେ । ଏବଂ ଅନେକ ଗାଡି ଭାଙ୍ଗି ରୁଜି ନଷ୍ଟ କରି ଦେଇଥିଲେ ।
@ANI
