ଚଣ୍ଡିଗଡ଼: ଆମ ଆଦମୀ ପାର୍ଟିର ବିଧାୟିକା ରୁପିନ୍ଦର କୌର ରୁବି ଦଳ ଛାଡ଼ି ଏବେ କଂଗ୍ରେସରେ ସାମିଲ ହୋଇଛନ୍ତି । ଆପ୍ର ଏହି ବରିଷ୍ଠ ନେତ୍ରୀଙ୍କ ନିଷ୍ପତ୍ତି ପଞ୍ଜାବ ରାଜନୀତି ଓ ବିଜେପିକୁ ବଡ଼ ଝଟକା ଲାଗିଛି । ବୁଧବାର ରୁବି ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନୀ ଓ ରାଜ୍ୟ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁଙ୍କ ଉପସ୍ଥିତିରେ ସେ ଦଳରେ ସାମିଲ ହୋଇଛନ୍ତି ।
ରୁବିଙ୍କ ଏହି ଇସ୍ତଫା ପରେ ବିଜେପି ନେତା ସୁଖପାଲ ସିଂ କହିଛନ୍ତି ଯେ ଦଳରେ ଯେଉଁମାନେ କଠିନ ପରିଶ୍ରମ କରୁଛନ୍ତି, ଦଳ ସେମାନଙ୍କୁ ଅଣଦେଖା କରୁଛି । ଆଗାମୀ ଦିନରେ ଆମ୍ ଆଦମୀ ପାର୍ଟିର ବିଧାୟକ ଏବଂ ସ୍ବେଚ୍ଛାସେବୀମାନେ ମଧ୍ୟ ଦଳକୁ ଇସ୍ତଫା ଦେବେ । ପଞ୍ଜାବରେ ଆସନକୁ ନେଇ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଟିକେଟ୍ ବଣ୍ଟନ ଓ ଏହି ସମୟରେ ଦଳର ପ୍ରତିନିଧିମାନେ ଲୁଟ୍ କରିଥିଲେ ବୋଲି ଅଭିଯୋଗ କରିଛନ୍ତି ସୁଖପାଲ ।
AAP ମୁଖପାତ୍ର ଜଗତର ସିଂ ସାଙ୍ଗେରା କହିଛନ୍ତି ଯେ ଆମ୍ ଆଦମୀ ପାର୍ଟି ଏକ ନୀତି ଏବଂ ମୁଖ୍ୟମନ୍ତ୍ରୀ ଅରବିନ୍ଦଙ୍କ ପକ୍ଷରୁ ରୁବିଙ୍କୁ ଟିକେଟ ଦିଆଯାଇଥିଲା । ଏଥିସହ ସେ କହିଛନ୍ତି ଯେ ଅନେକେ ଦଳ ଛାଡି କଂଗ୍ରେସରେ ଯୋଗଦେଉଛନ୍ତି । ଆମ୍ ଆଦମୀ ପାର୍ଟି କେବଳ କଠିନ ପରିଶ୍ରମ କରୁଥିବା ଲୋକଙ୍କୁ ଟିକେଟ୍ ଦେଇଥାଏ ବୋଲି ସେ କହିଛନ୍ତି ।
ଇସ୍ତଫା ଦେବାର ଗୋଟିଏ ଦିନ ପରେ ରୁବି ବୁଧବାର ପଞ୍ଜାବ ମୁଖ୍ୟମନ୍ତ୍ରୀ ଚନ୍ନୀ ଏବଂ ରାଜ୍ୟ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁଙ୍କ ଉପସ୍ଥିତିରେ କଂଗ୍ରେସରେ ସାମିଲ ହୋଇଥିଲେ । ତେବେ ମଙ୍ଗଳବାର ବିଳମ୍ବିତ ରାତିରେ ଆପର ସଦସ୍ୟତାରୁ ରୁବି ତାଙ୍କ ଇସ୍ତଫା ଘୋଷଣା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
