ହାଇଦ୍ରାବାଦ: ନିଜାମ ନଗରୀରେ ଦିଲ୍ଲୀର ନିର୍ଭୟା ଭଳି କାଣ୍ଡ । ଚଳନ୍ତା କାର୍ ଭିତରେ ଜଣେ ନାବାଳିକାଙ୍କ ସହ ତାଙ୍କ ନାବାଳକ ବନ୍ଧୁମାନେ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ହାଇଦ୍ରାବାଦର ଜୁବ୍ଲି ହିଲ୍ସ୍ ଅଞ୍ଚଳରେ ଏଭଳି ଘଟଣା ଘଟିଥିବା ନେଇ ଅଭିଯୋଗ କରିଛନ୍ତି ପୀଡ଼ିତାଙ୍କ ବାପା । ଗତ ଶନିବାର ଜୁବ୍ଲି ହିଲ୍ସରେ ଜଣେ ନାବାଳିକା ନିଜ ବନ୍ଧୁଙ୍କ ସହ ଆମ୍ନେସିଆ ପବ୍ ଯାଇଥିଲେ । ସନ୍ଧ୍ୟା ୫.୩୦ଟା ବେଳେ ସେ ଏକ କାର୍ରେ ନିଜ ନାବାଳକ ବନ୍ଧୁଙ୍କ ସହ ଘରକୁ ଫେରୁଥିଲେ ।
ତେବେ ଏହି ସମୟରେ ଅଧା ବାଟରେ ଆଉ ଦୁଇଜଣ ନାବାଳକ ଏହି କାର୍ରେ ବସିଥିଲେ । ଏହାପରେ ଚଳନ୍ତା କାର୍ରେ ନାବାଳିକାଙ୍କ ସହ ନାବାଳକମାନେ ଦୁଷ୍କର୍ମ କରିଥିଲେ । ଏହାକୁ ନେଇ ପୀଡ଼ିତାଙ୍କ ବାପା ୫ ଜଣ ନାବାଳକ ଅଭିଯୁକ୍ତଙ୍କ ବିରୋଧରେ ଅଭିଯୋଗ କରିଛନ୍ତି । ଅଭିଯୁକ୍ତଙ୍କ ବିରୋଧରେ ଧାରା ୩୫୪ ଓ ୩୨୩ ସହ ପୋକ୍ସୋ ଆକ୍ଟରେ ମାମଲା ରୁଜୁ କରିଛି ପୋଲିସ । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।
