ମୁମ୍ବାଇ: ମାୟାନଗରୀ ମୁମ୍ବାଇର ଆନଟପ୍ ହିଲ୍(Antop Hill) ଅଞ୍ଚଳରେ ଅଘଟଣ । ଆଜି ସକାଳୁ ଆନଟପ୍ ହିଲସ୍ଥିତ ମହାରାଷ୍ଟ୍ର ନଗର ବସ୍ତିରେ ଥିବା ୩ଟି କୋଠା ଭୁଶୁଡି ଯାଇଛି । ଏଥିରେ ୯ ଜଣ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ସକାଳ ୮ଟା ସମୟରେ ଏହି ଅଘଟଣ ଘଟିଛି । ଘଟଣାସ୍ଥଳରେ ଆନଟପ ହିଲ୍ ପୋଲିସ ଏବଂ ଅଗ୍ନିଶମବାହିନୀ ପହଞ୍ଚି ଉଦ୍ଧାର କାର୍ଯ୍ୟ କରିଛନ୍ତି ।
ସୂଚନାଯୋଗ୍ୟ, ଭୁଶୁଡିଥିବା କୋଠା ମଧ୍ୟରେ ଗୋଟିଏ ତେଜରାତି ଦୋକାନ ହୋଇଥିବାବେଳେ ଆଉ ଗୋଟିଏ ସ୍କ୍ରାପ ଦୋକାନ ଏବଂ ଅନ୍ୟଟି ଲୁଣ ଦୋକାନ ହୋଇଥିବା ଜଣାପଡିଛି । ତେଜରାତି ଦୋକାନଟି ତିନି ମହଲା ବିଶିଷ୍ଟ ହୋଇଥିବାବେଳେ ଏଠାରେ ମରାମତି କାର୍ଯ୍ୟ ଚାଲୁଥିଲା । ସେହିପରି ସ୍କ୍ରାପ ଦୋକାନ ଉପରେ ଆଉ ଦୁଇଟି ମହଲା ଥିବାବେଳେ ଲୁଣ ଦୋକାନ ଉପରେ ଗୋଟିଏ ମହଲା ଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
