ନୂଆଦିଲ୍ଲୀ: ଭାରତର ଟୀକାକରଣ ସାର୍ଟିଫିକେଟକୁ ୯୬ ଦେଶ ମଞ୍ଜୁରୀ ଦେଇଛି । ଅର୍ଥାତ୍ ବିଶ୍ବର ଅନ୍ୟୁନ୍ୟ ୯୬ ଦେଶ ଭାରତରେ ଉପଲବ୍ଧ କୋଭାକ୍ସିନ ଏବଂ କୋଭିସିଲ୍ଡ ଟିକା ନେଇଥିବା ଯାତ୍ରୀଙ୍କ ଗମନାଗମନରେ କୌଣସି ରୋକ୍ ଲଗାଇବ ନାହିଁ । କୋଭିଡ -19 ଟୀକାକରଣ ପ୍ରମାଣପତ୍ରକୁ ଭାରତ ଏବଂ 96 ଦେଶ ପାରସ୍ପରିକ ସ୍ୱୀକୃତି ଦେବାକୁ ସହମତି ପ୍ରକାଶ କରିଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ କହିଛନ୍ତି ।
ସେ କହିଛନ୍ତି, ବର୍ତ୍ତମାନ ସୁଦ୍ଧା ବିଶ୍ୱ ସ୍ୱାସ୍ଥ୍ୟ ସଂଗଠନ ୮ଟି ଟିକାକୁ ତା’ର ଜରୁରିକାଳୀନ ବ୍ୟବହାର ତାଲିକାରେ ରଖିଛି । ଏହି ୮ଟି ଟିକା ମଧ୍ୟରୁ ଭାରତର ଦୁଇଟି-କୋଭାକ୍ସିନ ଓ କୋଭିସିଲ୍ଡ ରହିଛି । ବିଶ୍ୱର ୯୬ଟି ଦେଶ ମଧ୍ୟ ଏହି ଦୁଇ ଟିକାକୁ ମଞ୍ଜୁରୀ ଦେଇଛନ୍ତି ବୋଲି ସେ କହିଛନ୍ତି । ଯେଉଁମାନେ କୋଭିସିଲ୍ଡ, WHO ଅନୁମୋଦିତ କିମ୍ବା ଜାତୀୟ ଅନୁମୋଦିତ ଟିକା ସହିତ ସମ୍ପୂର୍ଣ୍ଣ ଟୀକାକରଣ କରିଛନ୍ତି । ସେହି ଯାତ୍ରୀଙ୍କ ଭାରତୀୟ ଟୀକାକରଣ ପ୍ରମାଣପତ୍ରକୁ ସ୍ୱୀକୃତି ଦେଇଛନ୍ତି । କ୍ରମାଗତ ଭାବରେ, ଏହି ଦେଶଗୁଡିକରୁ ଯାତ୍ରା କରୁଥିବା ବ୍ୟକ୍ତିମାନଙ୍କୁ ଅନ୍ତର୍ଜାତୀୟ ଆଗମନ ଉପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଗାଇଡଲାଇନରେ ଦର୍ଶାଯାଇଥିବା କେତେକ କଟକଣା ମଧ୍ୟ କୋହଳ କରାଯାଇଛି ।
ସେ ଆହୁରି ମଧ୍ୟ କହିଛନ୍ତି ଯେ, ଯେଉଁ ଦେଶମାନେ ଭାରତୀୟ ଟିକା ତଥା ଟୀକାକରଣ ସାର୍ଟିଫିକେଟ୍ ଦେଇନାହାନ୍ତି ସେମାନଙ୍କ ସହ ସରକାର ଯୋଗୋଯୋଗରେ ଅଛନ୍ତି । ଏହାଦ୍ୱାରା ବ୍ୟବସାୟିକ ଓ ପର୍ଯ୍ୟଟନର ସମ୍ପର୍କ ସୁଦୃଢ଼ ହୋଇପାରିବ ବୋଲି ସେ କହିଛନ୍ତି ।
କୋଭାକ୍ସିନ ଓ କୋଭିସିଲ୍ଡକୁ ମଞ୍ଜୁରୀ ଦେଇଥିବା ୯୬ଟି ଦେଶଗୁଡ଼ିକ ମଧ୍ୟରେ ଆମେରିକା, କାନାଡା, ଅଷ୍ଟ୍ରେଲିଆ, ସ୍ପେନ, ବ୍ରିଟେନ, ଜର୍ମାନୀ, ଫ୍ରାନ୍ସ, ବେଲଜିୟମ, ରୁଷ ଓ ସ୍ୱିଜରଲ୍ୟାଣ୍ଡ ପ୍ରମୁଖ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
