ଲକ୍ଷ୍ନୌ: ବୟସ ବଢ଼ିଛି ସତ, ହେଲେ ପାଦ ଥକିନାହିଁ । ପରିଣତ ବୟସରେ ଖେଳ ପ୍ରତି ମୋହକୁ ଛାଡ଼ି ପାରିନାହାନ୍ତି । ଜଣେ 80 ବର୍ଷ ବୟସରେ ଜଣେ ବୃଦ୍ଧା ଟ୍ରାକରେ ନିଜ ଦବଦବା ଦେଖାଇଛନ୍ତି । ଉତ୍ତର ପ୍ରଦେଶ ମିରଟରୁ ଏଭଳି କିଛି ଦୃଶ୍ୟ ଦେଖିବାକୁ ମିଳିଛି । ବୟସର ଅପରାହ୍ନରେ କେହି କେହି ରୋଗାଗ୍ରସ୍ତ ହୋଇ ଶଯ୍ୟାସାୟୀ ହୋଇଥିବାବେଳେ ଏହି ବୃଦ୍ଧା ଜଣଙ୍କୁ ଟ୍ରାକରେ ନିଜ ଫିଟନେସକୁ ପ୍ରମାଣିତ କରିଛନ୍ତି । ଯାହା ସଭିଙ୍କ ତାଜୁବ କରିଦେଇଛି ।
ମିରଟରେ ଖେଳ ଟ୍ରାକ ଉପରେ ଜଣେ ବୃଦ୍ଧା ଦୌଡୁଥିବାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡ଼ିଓରେ ଜଣେ 80 ବର୍ଷୀୟ ବୃଦ୍ଧା ମହିଳା ଦ୍ରୁତଗତିରେ ଦୌଡୁଛନ୍ତି । ବୃଦ୍ଧା ଜଣକ 100 ମିଟର ଦୌଡ଼ରେ ଭାଗ ନେଇଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ମାତ୍ର 49 ସେକେଣ୍ଡରେ ସେ 100 ମିଟର ଦୂରତାକୁ ଅତିକ୍ରମ କରିଛନ୍ତି । ଟ୍ରାକରେ ବୃଦ୍ଧାଙ୍କ ଏଭଳି ପ୍ରଦର୍ଶନ ଦେଖି ସେଠାରେ ଉପସ୍ଥିତ ଲୋକେ ତାଳିମାରିବାକୁ ଲାଗିଲେ । ତେବେ ପରିଣତ ବୟସରେ ଅତୁଳନୀୟ ପ୍ରତିଭା ଦେଖି ସଭିଏଁ ଆଶ୍ଚର୍ଯ୍ୟ ହୋଇଯାଇଥିଲେ ।
