ପାଣାଜୀ: ଗୋଆକୁ ଲଗାତାର ଅକ୍ସିଜେନ ଅଭାବରୁ ଯାଉଛି ଅନେକ ଜୀବନ । ଏଣୁ ବମ୍ବେ ହାଇକୋର୍ଟ ଅକ୍ସଜେନ ଅଭାବରୁ ଗୋଆରେ କାହାରି ମୃ୍ତ୍ୟୁ ନ ହେବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ । ହାଇକୋର୍ଟଙ୍କ ନିର୍ଦ୍ଦେଶର ଗୋଟିଏ ଦିନ ପରେ ଗୁରୁବାର ରାତିରେ ଗୋଆ ମେଡିକାଲ କଲେଜ ଓ ହସ୍ପିଟାଲରେ ଅକ୍ସିଜେନ ଅଭାବରୁ ଆଉ 15 ଜଣଙ୍କର ମୃ୍ତ୍ୟୁ ହୋଇଥିବା ବେଳେ 24 ଘଣ୍ଟାରେ ମୋଟ 76 ଜଣଙ୍କର ମୃତ୍ୟୁ ଘଟିଛି ।
ରାତି ପ୍ରାୟ 1ଟା ସମୟରେ ଅକ୍ସିଜେନ ଚାପ କମିଯିବା ଫଳରେ ଆକ୍ରାନ୍ତଙ୍କ ମୃତ୍ୟୁ ଘଟୁଛି । ଏ ସମ୍ପର୍କରେ ଡାକ୍ତରଙ୍କୁ ଆକ୍ରାନ୍ତଙ୍କ ସମ୍ପର୍କୀୟ ସୂଚନା ଦେଇଥିଲେ । ଅକ୍ସିଜେନ ଚାପ ଥରେ କମିବା ପରେ ଏହା ନିୟନ୍ତ୍ରଣାଧାନକୁ ଆସିବା ପାଇଁ 20 ମିନିଟ ସମୟ ଲାଗିଥାଏ ବୋଲି ଡାକ୍ତର କହିଛନ୍ତି । ଫଳରେ ଗତ ଶୁକ୍ରବାର ଅକ୍ସିଜେନ ଅଭାବରୁ 26 ଜଣଙ୍କର ମୃତ୍ୟୁ ଘଟିଥିଲା ବୋଲି ସ୍ବାସ୍ଥ୍ୟ ମନ୍ତ୍ରୀ ବିଶ୍ବଜିତ ରାଣେ ସୂଚନା ଦେଇଥିଲେ । ଗୁରୁତର ଆକ୍ରାନ୍ତଙ୍କ ସହିତ ତାଙ୍କର ସମ୍ପର୍କୀୟଙ୍କୁ କୋଭିଡ ୱାର୍ଡକୁ ଯିବା ପାଇଁ ଅନୁମତି ଦିଆଯାଇଛି ।