ବେଙ୍ଗାଲୁରୁ: ଜିପକୁ ପଛପଟୁ ଧକ୍କା ଦେଲା ଟ୍ରକ୍ । ଘଟଣାସ୍ଥଳରେ 7 ଜଣଙ୍କର ମୃତ୍ୟୁ ହୋଇଛି। ଏଭଳି ଘଟଣା ଦେଖିବାକୁ ମିଳିଛି ଚିକ୍କାବାଲାପୁର ଜିଲ୍ଲା ଚିନ୍ତାମଣି ତହସିଲ ଅଧିନ ମେଡିକର କ୍ରସ ନିକଟରେ । ଆନ୍ଧ୍ରପ୍ରଦେଶ-ବେଙ୍ଗାଲୁରୁ ରାଜପଥ ନିକଟ ଚିକ୍କାବାଲାପୁର ଜିଲ୍ଲା ଚିନ୍ତାମଣି ତହସିଲ ଅଧିନ ମେଡିକର କ୍ରସ ଅଞ୍ଚଳରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା ।
ମର୍ମନ୍ତୁଦ ସଡକ ଦୁର୍ଘଟଣା, ଘଟଣାସ୍ଥଳରେ 7ମୃତ 5 ଆହତ
ସୂଚନାନୁସାରେ ଏକ ଜିପ୍ ଯୋଗେ ଶ୍ରୀନିବାସପୁର ତହସିଲ ଅଧିନ ରୟାଲପଡୁ ଗାଁରୁ ଚିନ୍ତାମଣି ଅଭିମୁଖେ ଯାତ୍ରା କରୁଥିବା ବେଳେ ଘଟିଛି ଏହି ଦୁର୍ଘଟଣା । ତେବେ ଏହି ଭୟଙ୍କର ଦୁର୍ଘଟଣା ଫଳରେ ଘଟଣାସ୍ଥଳରେ 6ଜଣ ଙ୍କର ମୃତ୍ୟୁ ଘଟିଥିବା ବେଳେ ଆଉ ଜଣକୁ ଡାକ୍ତରଖାନା ନେବା ବାଟରେ ମୃତ୍ୟୁ ହୋଇଛି ।
ସେପଟେ ଦୁର୍ଘଟଣା ଯୋଗୁଁ 5 ଜଣ ଗୁରୁତର ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇ ଘଟଣାସ୍ଥଳରେ ଚିନ୍ତାମଣି ଗ୍ରାମୀଣ ପୋଲିସ ପହଁଞ୍ଚି ତଦନ୍ତ ଜାରି ରଖିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
