ହାଇଦ୍ରାବାଦ: ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ବିପୁଳ ପରିମାଣର ସୁନା ଜବତ କରାଯାଇଛି । G9 458 ରେ ବିମାନରେ ସୁଦାନରୁ ସାରଜା ଦେଇ ହାଇଦ୍ରାବାଦ ଆସିଥିବା 23 ଯାତ୍ରୀଙ୍କ ନିକଟରୁ ଏହି ବିପୁଳ ପରିମାଣର ସୁନା ଜବତ କରିବାରେ ସଫଳ ହୋଇଛି କଷ୍ଟମ ବିଭାଗ । ଜବତ ସୁନାର ମୂଲ୍ୟ 7 କୋଟି ଟଙ୍କା ହେବା ନେଇ ପ୍ରାଥମିକ ଭାବେ ଆକଳନ କରାଯାଇଛି । ସୁନା ତସ୍କରୀରେ ସମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରି ପୋଲିସ ଜିମା ଦିଆଯାଇଛି । ତାଙ୍କୁ ଅଧିକ ଜେରା ଜାରି ରହିଛି ।
ସାରଜା ଦେଇ ସୁଦାନରୁ ହାଇଦ୍ରାବାଦକୁ ଆସିଥିବା ବିମାନରେ ଯାତ୍ରୀଙ୍କ ଠାରେ ସୁନା ଚୋରାଚାଲାଣ ହେଉଥିବା ଏୟାର ଇଣ୍ଟେଲଜେନ୍ସି ରିପୋର୍ଟ ମିଳିଥିଲା । ଏହି ଆଧାରରେ କଷ୍ଟମ ବିଭାବର ଅଧିକାରୀମାନେ ଯାତ୍ରୀଙ୍କ ଚେକିଂ ପାଇଁ ପ୍ରସ୍ତୁତି କରିଥିଲେ । ବିମାନ ଅବତରଣ କରିବା ପରେ 23 ଯାତ୍ରୀଙ୍କୁ ଯାଞ୍ଚ କରିବା ପରେ ସେମାନଙ୍କ ନିକଟରୁ ସୁନା ଠାବ କରାଯାଇଥିଲା । ଅତି ଚତୁରତାର ସହ ଯାତ୍ରୀମାନେ ଜୋତା, ବେଲ୍ଟ ଓ ପୋଷାକରେ ସୁନା ଚାଲାଣ କୁରଥିବା ଜଣାପଡିଥିଲା । ମୋଟ 23 ଯାତ୍ରୀଙ୍କ ଠାରୁ ମୋଟ 14.9063 କିଲୋଗ୍ରାମ ସୁନା ଜବତ କରିଛନ୍ତି ବିଭାଗୀୟ ଅଧିକାରୀ । ଏହି ଜବତ ସୁନାର ଆନୁମାନିକ ବଜାର ମୂଲ୍ୟ ପ୍ରାୟ 7 କୋଟିରୁ ଅଧିକ ହେବା ନେଇ ମଧ୍ୟ ଆକଳନ କରାଯାଉଛି । ପରେ ସମସ୍ତ ଅଭିଯୁକ୍ତଙ୍କୁ ଏୟାରପୋର୍ଟ ଥାନା ପୋଲିସକୁ ହସ୍ତାନ୍ତର କରାଯାଇଥିଲା ।
