ହାଇଦ୍ରାବାଦ: ଭାରତରେ ରାସ୍ତା ଓ ରାଜପଥ ନିର୍ମାଣ ପାଇଁ ପାଣ୍ଠି ଯୋଗାଉଥିବା କେନ୍ଦ୍ର ସରକାରଙ୍କ ପ୍ରକଳ୍ପରେ ପୂର୍ବରୁ ଥିବା ପାଣ୍ଠିକୁ 60 ପ୍ରତିଶତ ବଢାଇବା ପାଇଁ କେନ୍ଦ୍ର ନିଷ୍ପତ୍ତି ନେଇଛି । ଏଥିଲାଗି କେନ୍ଦ୍ରର ଫ୍ଲାଗସିପ୍ ସଡକ ପରିବହନ ମନ୍ତ୍ରଣାଳୟ ଖୁବ ଶୀଘ୍ର କ୍ୟାବିନେଟ୍ ବୈଠକ ବସିବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି । 2017 ମସିହାରେ ଯେତେବେଳେ ପ୍ରଥମେ ଏହି ପ୍ରକଳ୍ପ ଅନୁମୋଦିତ ହୋଇଥିଲା, ସେତେବେଳେ ଏହି ପ୍ରକଳ୍ପର ପ୍ରଥମ ପର୍ଯ୍ୟାୟର ମୂଲ୍ୟ ପ୍ରାୟ 5.35 ଲକ୍ଷ କୋଟି ଟଙ୍କା ହେବ ବୋଲି ଆକଳନ କରାଯାଇଥିଲା । ଜମି ଅଧିଗ୍ରହଣରେ ଅବହେଳା ଏବଂ ବିଳମ୍ବ ହେତୁ ଏହା ପ୍ରାୟ 8.5 ଲକ୍ଷ କୋଟି ଟଙ୍କାରେ ପହଞ୍ଚିଛି ।
- ଭାରତମାଳା ପରିଯୋଜନା ପ୍ରଥମ ପର୍ଯ୍ୟାୟ ଅଧୀନରେ ପ୍ରାୟ 65 ହଜାର କିଲୋମିଟର ଜାତୀୟ ରାଜପଥ ନିର୍ମାଣ ହୋଇ ସାରିଥିବା ବେଳେ ଭାରତର ଜାତୀୟ ରାଜପଥ ପ୍ରାଧିକରଣ 2022 ସୁଦ୍ଧା ଦେଶରେ 34,800 କିଲୋମିଟର ରାଜପଥ ନିର୍ମାଣ କରିବ ବୋଲି ଯୋଜନା କରିଛି ।
- ରେଟିଂ ଏଜେନ୍ସି ICRA ଅନୁଯାୟୀ ଗତ କିଛି ବର୍ଷ ମଧ୍ୟରେ ଜମି ଅଧିଗ୍ରହଣ ମୂଲ୍ୟ ହେକ୍ଟର ପିଛା ପ୍ରାୟ 3.40 କୋଟି ଟଙ୍କାକୁ ବୃଦ୍ଧି ପାଇଛି । ତେବେ 2013-14 ମଧ୍ୟରେ ଏହା ହେକ୍ଟର ପିଛା 90 ଲକ୍ଷ ଟଙ୍କା ଥିଲା ।
- ଭାରତମାଳାର ପ୍ରଥମ ପର୍ଯ୍ୟାୟ ଯୋଜନାଗୁଡ଼ିକ ଆର୍ଥିକ ବର୍ଷ 2023 ଦ୍ବାରା ଶେଷ କରିବାକୁ ଆଶା ରଖିଥିବା ବେଳେ ନିର୍ମାଣ କାର୍ଯ୍ୟ ଶେଷ ଆର୍ଥିକ ବର୍ଷ 2025 ସୁଦ୍ଧା ଶେଷ ହେବ ବୋଲି ଆଶା କରାଯାଉଛି ।
- ଆର୍ଥିକ ବର୍ଷ 2022-23 ମଧ୍ୟରେ ପ୍ରାୟ 65 କୋଟି ଟଙ୍କା ପାଣ୍ଠି ବଢାଇବାକୁ NHAI ଲକ୍ଷ୍ୟ ରଖିଛି । ଏହି ଅର୍ଥକୁ ବିଭିନ୍ନ କାର୍ଯ୍ୟ ପାଇଁ ବିନିଯୋଗ କରାଯିବ ବୋଲି ବିଭାଗ ଲକ୍ଷ୍ୟ ରଖିଛି ।
- NHAI ରାଜପଥ ନିର୍ମାଣ କରିବା ପାଇଁ କରିଥିବା ଋଣ ଆର୍ଥିକ ବର୍ଷ 2020ରେ 2.49 ଲକ୍ଷ କୋଟିରେ ରହିଥିଲା । ଯଦି ଏହା ଚଳିତ ଆର୍ଥିକ ବର୍ଷ ପାଇଁ ଋଣ ଲକ୍ଷ୍ୟ ପୂରଣ କରେ ତେବେ ଏହା 3 ଲକ୍ଷ କୋଟି ଅତିକ୍ରମ କରିବ । 2014-15 ମସିହାରେ ବିଜେପି ସରକାର ଦାୟିତ୍ବ ଗ୍ରହଣ କରିବା ପରଠାରୁ ରାଜପଥ ନିର୍ମାଣ ପ୍ରାଧିକରଣର ମୋଟ ଋଣ ଦଶଗୁଣ ବୃଦ୍ଧି ପାଇଛି ।
ସୀମାନ୍ତ ଏବଂ ଉପକୂଳବର୍ତ୍ତୀ ଅଞ୍ଚଳରେ ତଥା ଦେଶର ଧାର୍ମିକ ଏବଂ ପର୍ଯ୍ୟଟନସ୍ଥଳୀରେ ରାସ୍ତା ନିର୍ମାଣ ପାଇଁ ଭାରତମାଳା ପରିଯୋଜନା କାର୍ଯ୍ୟକାରୀ ହୋଇଥିବାର ସବିଶେଷ ତଥ୍ୟ:-
- ସୀମାନ୍ତ ଏବଂ ଉପକୂଳବର୍ତ୍ତୀ ଅଞ୍ଚଳରେ ରାସ୍ତା ନିର୍ମାଣ କାର୍ଯ୍ୟ ଭାରତମାଳା ପରିୟୋଜନାର ପ୍ରଥମ ପର୍ଯ୍ୟାୟରେ ନିଆଯାଇଥିବା ବେଳେ ଧାର୍ମିକ ଓ ପର୍ଯ୍ୟଟନସ୍ଥଳୀରେ ରାସ୍ତା ନିର୍ମାଣ କାର୍ଯ୍ୟ NH(O) ଯୋଜନାର ଅନ୍ତୁର୍ଭୁକ୍ତ କରାଯାଇଛି ।
- ଭାରତରେ ସୀମାନ୍ତ ଓ ଅନ୍ତର୍ଜାତୀୟ ରାସ୍ତା ମଧ୍ୟରେ ଯୋଗାଯୋଗ ପାଇଁ ମୋଟ 2000କିଲୋମିଟର ରାସ୍ତା ନିର୍ମାଣର ଲକ୍ଷ୍ୟ ରଖାଯାଇଛି । ତେବେ ସେଥିମଧ୍ୟରୁ 849 କିଲୋମିଟର ରାସ୍ତାର ନିର୍ମାଣ କାର୍ଯ୍ୟ ଶେଷ ହୋଇଛି । ତେବେ 2000 କିଲୋମିଟର ମଧ୍ୟରେ ବନ୍ଦର ଓ ଉପକୂଳବର୍ତ୍ତୀ ଅଞ୍ଚଳର ରାସ୍ତା ନିର୍ମାଣ ପାଇଁ ରହିଥିବା 168 କିଲୋମିଟର ରାସ୍ତା ମଧ୍ୟରୁ 14 କିଲୋମିଟର ରାସ୍ତାର ନିର୍ମାଣ କାର୍ଯ୍ୟକୁ NHAI ଶେଷ କରିସାରିଛି ।
ରାସ୍ତା ନିର୍ମାଣ ପାଇଁ NHAI ପାଇଥିବା ପାଣ୍ଠି:-
ସୀମା ଏବଂ ଅନ୍ତର୍ଜାତୀୟ କନେକ୍ଟିଭିଟି ସଡକ ଅଧୀନ ଦାୟିତ୍ବରେ ରହିଥିବା ସଡକଗୁଡିକର ସବିଶେଷ ତଥ୍ୟ:-
ଭାରତମାଳା ପରିୟୋଜନା ଅଧୀନରେ ଅନୁମୋଦିତ ପ୍ରକଳ୍ପଗୁଡିକର ବିବରଣୀ ଏବଂ କାର୍ଯ୍ୟକାରିତା ସ୍ଥିତି:-
ଭାରତମାଲା ପରିଯୋଜନା ଅଧୀନରେ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ପାଇଁ ରହିଥିବା ରାସ୍ତା ନିର୍ମାଣ କାର୍ଯ୍ୟର ବିବରଣୀ:-
