ଲକ୍ଷ୍ନୌ: ଉତ୍ତର ପ୍ରଦେଶର ସିଦ୍ଧାର୍ଥନଗରରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ଗୋଟିଏ ପରିବାରର ଛଅ ଜଣଙ୍କ ଅକାଳରେ ମୃତ୍ୟୁ ହୋଇଥିବା ବେଳେ ଚାରିଜଣ ଗୁରୁତର ଭାବରେ ଆହତ ହୋଇଛନ୍ତି ।
ସୂଚନାଅନୁସାରେ ସୋମବାର ଗୋଟିଏ ପରିବାର ଏସୟୁଭି କାର ଯୋଗେ ଏକ ଉତ୍ସବରୁ ଫେରିବା ସମୟରେ କାରଟି ପୋଲ ସହ ଧକ୍କା ହୋଇଥିଲା । ଘଟଣାସ୍ଥଳରେ ହିଁ ଛଅ ଜଣଙ୍କ ମୃତ୍ୟୁ ହୋଇଥିଲା । ମୃତ ଛଅଜଣଙ୍କ ମଧ୍ୟରେ ଦୁଇଜଣ ପୁରୁଷ,ଦୁଇଜଣ ମହିଳା ହୋଇଥିବା ବେଳେ ଦୁଇଜଣ ଶିଶୁ ରହିଛନ୍ତି । ଦୁର୍ଘଟଣାରେ ଚାରିଜଣ ଗୁରୁତର ଭାବରେ ଆହତ ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ଗୋରଖପୁର ମେଡିକାଲରେ ଭର୍ତ୍ତି କରାଯାଇଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ କୁହୁଡି ପଡିଥିବାରୁ ରାସ୍ତା ସ୍ପଷ୍ଟ ଦେଖା ଯାଉନଥିଲା । ଗାଡିଟି ଦ୍ରୁତ ଗତିରେ ଥିବାରୁ ଦୁର୍ଘଟଣାଗସ୍ତ ହୋଇଥିବା ଜଣା ପଡିଛି । ମୃତଦେହ ଗୁଡିକୁ ବ୍ୟବଚ୍ଛେଦ ପାଇଁ ପଠାଯାଇଛି ।
@IANS
