ନୂଆଦିଲ୍ଲୀ: ଦିଲ୍ଲୀର ସାର ଗଙ୍ଗାରାମ ହସପିଟାଲରେ ଅମ୍ଲଜାନ ଶେଷ ହୋଇଯିବାରୁ କୋରୋନା ଆକ୍ରାନ୍ତ ପ୍ରଭାବିତ ହୋଇଥିଲେ । ହସପିଟାଲରେ ଅକ୍ସିଜେନ ଶେଷ ହେବାପରେ ଗତ ତିନି ଦିନ ହେଲା ସଂକଟ ଦେଖାଦେଇଥିଲା । ଏହାରି ମଧ୍ୟରେ ରବିବାର ସକାଳୁ ହସପିଟାଲରେ ପହଞ୍ଚିଛି 5 ଟନ ଅକ୍ସିଜେନ । ଏନେଇ ହସପିଟାଲର ମୁଖପାତ୍ର ସୂଚନା ଦେଇଛନ୍ତି ।
ମହାମାରୀ କୋରୋନର ଦ୍ବିତୀୟ ପର୍ଯ୍ୟାୟରେ ସବୁଠୁ ଅଧିକ ପ୍ରଭାବିତ ହୋଇଛି ଦିଲ୍ଲୀ । ଦିଲ୍ଲୀରେ ପ୍ରତ୍ୟକ ଦିନ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ଏ ଭଳି ସ୍ଥିତିରେ ଦିଲ୍ଲୀର ବିଭିନ୍ନ ହସପିଟାଲରେ ମଧ୍ୟ କୋରୋନା ଆକ୍ରାନ୍ତଙ୍କ ସଂଖ୍ୟା ପ୍ରବଳ ମାତ୍ରାରେ ବୃଦ୍ଧି ପାଉଛି । ଏଥିରେ ବେଶ ପ୍ରଭାବିତ ହୋଇ ଦିଲ୍ଲୀରେ ଦେଖାଦେଇଛି ଅମ୍ଳଜାନ ସଂକଟ । ଅମ୍ଲଜାନ ସଂକଟ ଯୋଗୁଁ ଗଙ୍ଗାରାମ ହସପିଟାଲରେ 25ଜଣ କୋରୋନା ଆକ୍ରାନ୍ତ ପ୍ରାଣ ହରାଇଛନ୍ତି ।କୋରୋନା ମୁକାବିଲାର ସବୁଠୁ ଅଧିକ ଆବଶ୍ୟକତା ପଡୁଥିବା ଅକ୍ସିଜେନ ଚାହିଦା ବୃଦ୍ଧି ପାଇଛି । ସାରା ଦେଶରେ ବିଭିନ୍ନ ସ୍ଥାନରୁ ଅକ୍ସିଜେନକୁ ନେଇ ସରକାର ଜରୁରୀକାଳୀନ ଭାବରେ ପରିବହନ କରୁଛନ୍ତି ।
ଦେଶରେ ଅମ୍ଲଜାନ ଆବଶ୍ୟକତାକୁ ନେଇ ପିଏମ ମୋଦି ଓ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ବୈଠକ ହୋଇଥିଲା । ଏହି ବୈଠକ ପରେ ଦେଶରେ ବିଭିନ୍ନ ଶିଳ୍ପସଂସ୍ଥାରେ ଗଚ୍ଛିତ ରହିଥିବା ଅକ୍ସିଜେନକୁ ଯୁଦ୍ଧକାଳୀନ ଭିତ୍ତିରେ ବିଭିନ୍ନ ସ୍ଥାନରେ ପଠାଯାଉଛି । ଅକ୍ସିଜେନ ଅଭାବ ଦେଶର ରାଜଧାନୀ ଦିଲ୍ଲୀରେ ବହୁ ସଂଖ୍ୟାରେ ଲୋକଙ୍କ ପ୍ରାଣ ନେଇଛି ।
@ANI
