ଡେରାଡୁନ: କୋରୋନା ମହାମାରୀ ସମୟରେ ବ୍ଲାକ ଫଙ୍ଗସ ରୋଗ ସରକାରଙ୍କୁ ଚିନ୍ତାରେ ପକାଇଛି । ମହାମାରୀ ପରି ଏହି ରୋଗ ମଧ୍ୟ ଧୀରେ ଧୀରେ କାୟା ବିସ୍ତାର କରିବାରେ ଲାଗିଛି । ଉତ୍ତରାଖଣ୍ଡର ରାଜଧାନୀ ଡେରାଡୁନରେ ରବିବାର 20ଟି ନୂଆ ବ୍ଲାକ ଫଙ୍ଗସ ରୋଗୀ ଚିହ୍ନଟ ହୋଇଛନ୍ତି । ତେବେ ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
ନୂଆ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 29 ହଜାର 947ରେ ପହଞ୍ଚିଛି ଏବଂ 18 ଜଣଙ୍କ ମୃତ୍ୟୁ ଘଟିଛି । ବର୍ତ୍ତମାନ AIIMS ଋଷିକେଶରେ 195 ଜଣ ଚିକିତ୍ସିତ ହେଉଛନ୍ତି । ମାଇକ୍ରୋମାଇସିସ ବା ବ୍ଲାକ ଫଙ୍ଗସ ଜୀବାଣୁ ଦ୍ବାରା ବ୍ୟାପୁଛି । ପରିବେଶରେ ଏହି ଜୀବାଣୁ ରହିଥିବା ବେଳେ ତା' ସଂସ୍ପର୍ଶରେ ଆସିଲେ ଜଣେ ଏହି ରୋଗ ଦ୍ବାରା ଆକ୍ରାନ୍ତ ହୋଇଥାଏ । ସଂସ୍ପର୍ଶରେ ଆସିଥିବା ବ୍ୟକ୍ତିର ଶରୀରରେ କୌଣସି କଟା ଦାଗ ରହିଥିଲେ ଏହା ମଧ୍ୟ ଦେଇ ଜୀବାଣୁ ଶରୀର ମଧ୍ୟକୁ ପ୍ରବେଶ କରିଥାଏ ।
କୋରୋନା ମହାମାରୀରୁ ସୁସ୍ଥ ହୋଇଥିବା ବ୍ୟକ୍ତି ଏହି ରୋଗ ଦ୍ବାରା ଅଧିକ ଆକ୍ରାନ୍ତ ହେଉଛନ୍ତି । ଏହାସହିତ ମଧୁମେହ ରୋଗୀ ମଧ୍ୟ ଏହି ରୋଗରେ ଆକ୍ରାନ୍ତ ହେଉଥିବା ଦେଖିବାକୁ ମିଳୁଛି । କୋରୋନାରୁ ସୁସ୍ଥ ହେବା ପାଇଁ ବ୍ୟବହାର ଔଷଧରୁ ଆକ୍ରାନ୍ତଙ୍କ ରୋଗ ପ୍ରତିରୋଧକ ଶକ୍ତି ହ୍ରାସ ପାଉଛି । ଏହାଦ୍ବାରା ସେମାନେ ବ୍ଲାକ ଫଙ୍ଗସ ରୋଗରେ ସଂକ୍ରମିତ ହେଉଛନ୍ତି ବୋଲି ଜଣାପଡିଛି ।
@ANI
