ଶ୍ରୀନଗର: ଜମ୍ମୁ କାଶ୍ମୀରର ବଡଗାମ ଜିଲ୍ଲାରୁ 2 ଆତଙ୍କୀ ସହଯୋଗୀଙ୍କୁ ଗିରଫ କରିଛି ସୁରକ୍ଷା ବଳ । ଗିରଫ ଦୁଇ ଅଭିଯୁକ୍ତଙ୍କ ନାମ ୟାଜିଦ ୟୁସୁଫ ଅଖୁନ ଓ ମହମ୍ମଦ ଅସରଫ ସେଖ । ଉଭୟ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବା (LET)ର ସହଯୋଗୀ ଭାବେ କାର୍ଯ୍ୟ ଜାରି ରଖିଥିବା ପ୍ରାଥମିକ ପଚରା ଉଚରାରୁ ଜଣାପଡିଛି ।
ଗତ କିଛି ଦିନ ଧରି ଏପରି କାର୍ଯ୍ୟକଳାପରେ ସାମିଲ ଥିବା ନେଇ ଇନପୁଟ ସୂଚନା ମିଳିବା ପରେ ଏମାନଙ୍କ ଉପରେ ନଜର ରଖାଯାଇଥିଲା । ଆଜି ଉଭୟଙ୍କୁ ସିଆରପିଏଫ ଓ ସେନାର ମିଳିତ ଟିମ ବଡଗାମର ବିରୁହାରୁ ଗିରଫ କରିବାରେ ସଫଳ ହୋଇଛି । ଉଭୟଙ୍କ ଠାରୁ ଚୀନ ନିର୍ମିତ ପିସ୍ତଲ, ଏକାଧିକ ମ୍ୟାଗାଜିନ ଓ ବ୍ୟାପକ ଗୁଳିଗୋଳା ମଧ୍ୟ ଜବତ ହୋଇଛି ।
ଏମାନେ ଘାଟିରେ ଆତଙ୍କୀ ହାମଲାକୁ ସହଯୋଗ କରିବା ସହ ସମସ୍ତ ସୂଚନା ମଧ୍ୟ ଆଦାନ ପ୍ରଦାନ କରୁଥିବା ପୋଲିସ ଜାଣିବାକୁ ପାଇବା ପରେ ଏମାନଙ୍କୁ ଠାବ କରିବା ପାଇଁ ମିଶନ ଆରମ୍ଭ କରିଥିଲା । ଗିରଫ ପରେ ଉଭୟଙ୍କ ନାମରେ ମାମଲା ରୁଜୁ ସହ ତଦନ୍ତ ଜାରି ରହିଥିବା ପୋଲିସ ସୂଚନା ଦେଇଛି ।
@IANS
