ମୁମ୍ବାଇ: ମହାରାଷ୍ଟ୍ରରେ ଜାରି ରହିଛି ରାଜନୈତିକ ସଙ୍କଟ । ଏହାରି ମଧ୍ୟରେ ଗୌହାଟୀରେ ଡେରା ପକାଇଥିବା ବିଦ୍ରୋହୀ ବିଧାୟକଙ୍କୁ 'Y+' ସୁରକ୍ଷା ଦେଲା କେନ୍ଦ୍ର । ୧୫ଜଣ ବିଧାୟକଙ୍କୁ ଏହି ସୁରକ୍ଷା ମିଳିଥିବା ବେଳେ ଏଥିରୁ ବାଦ ପଢିଛନ୍ତି ଏକନାଥ ସିନ୍ଧେ । ତାଙ୍କୁ ଏହି ସୁରକ୍ଷା ତାଲିକାରେ ଅନ୍ତର୍ଭୁକ୍ତ କରାଯାଇନାହିଁ । Y ବର୍ଗର ସୁରକ୍ଷା ଆଠଜଣ କର୍ମଚାରୀ ରହିଥିବା ବେଳେ ସେମାନଙ୍କ ମଧ୍ୟରୁ ଜଣେ କିମ୍ବା ୨ଜଣ କମାଣ୍ଡୋ ଏବଂ ପୋଲିସ କର୍ମୀ ରହିଥାନ୍ତି ।
ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF) ମଧ୍ୟ ଗୌହାଟୀରେ ଏକନାଥ ସିନ୍ଧେ ଏବଂ ଅନ୍ୟ ବିଦ୍ରୋହୀ ଶିବସେନା ବିଧାୟକଙ୍କ ସୁରକ୍ଷା ପାଇଁ ନିୟୋଜିତ ହୋଇଥିବା ବେଳେ ଦାଦର ବିଧାୟକ ସଦା ସରଭଙ୍କାରଙ୍କ ବାସଭବନରେ ନିୟୋଜିତ ହୋଇଛନ୍ତି । ଏନେଇ ଉଦ୍ଧବ ଠାକରେଙ୍କ ସମର୍ଥକ କହିଛନ୍ତି ଯେ, ''ଯେଉଁମାନେ ଦଳ ଛାଡିଛନ୍ତି ସେମାନେ ବିଶ୍ବାସଘାତକ, ସେମାନେ ଶିବ ସୈନିକ ନୁହଁନ୍ତି, ଆମେ ସେମାନଙ୍କୁ ଶିବ ପ୍ରସାଦ ଦେବୁ ବୋଲି କହିଛନ୍ତି ସମର୍ଥକ । ଗତକାଲି ଉଦ୍ଧବ ଠାକରେଙ୍କ ଦ୍ବାରା ଡକାଯାଇଥିବା ବୈଠକରେ ଏକନାଥ ସିନ୍ଧେ ଯୋଗ ଦେଇନଥିବାରୁ ୧୬ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଥିଲା ଦଳ ।
