ଭୋପାଲ: ବର୍ତ୍ତମାନର ଗୁଗୁଲ ବୟ ସାଜିଛନ୍ତି ମଧ୍ୟ ପ୍ରଦେଶ ରିବାର କୁନି ପୁଅ ଯଶସ୍ବୀ ମିଶ୍ରା । ଯେକୌଣସି ପ୍ରଶ୍ନ ପଚାରନ୍ତୁ ଫଟାଫଟ୍ ଉତ୍ତର ଦେଉଛନ୍ତି ଯଶସ୍ବୀ । ମାତ୍ର 14 ମାସରୁ ତାଙ୍କ ସ୍ମରଣଶକ୍ତି ଦେଖି ସମସ୍ତେ ତାଜୁବ ।
14 ମାସରୁ କମାଲ, ଦେଶ ନାମ ଶୁଣି ଚିହ୍ନୁଛନ୍ତି ଜାତୀୟ ପତାକା
ମଧ୍ୟପ୍ରଦେଶ ରିବାର ବାସିନ୍ଦା ହେଉଛନ୍ତି ଯଶସ୍ବୀ । ବର୍ତ୍ତମାନ ତାଙ୍କୁ ମାତ୍ର 14 ମାସ । ମାତ୍ର ଦେଶ ବିଦେଶରେ ଅନେକ ଜଣା ଅଜଣା କଥା ସାଙ୍ଗକୁ ଦେଶର ଜାତୀୟ ପତାକା ଚିହ୍ନ ଯଶସ୍ବୀଙ୍କ ମୁହଁରେ । ଦେଶର ନାମ ଶୁଣି ଅତି ସହଜରେ ପତାକା ଚିହ୍ନି ନେଉଛନ୍ତି ଯସସ୍ବୀ । ଏକା ସାଙ୍ଗରେ 26ଟି ଜାତୀୟ ପତାକା ଦେଖି ଦେଶର ନାମ କହି ଚର୍ଚ୍ଚାରେ ଅଛନ୍ତି । ଯଶସ୍ବୀଙ୍କ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି । ତେବେ ଯଶସ୍ବୀଙ୍କ ନାମ ଲଣ୍ଡନ ୱାର୍ଲ୍ଡ ବୁକ୍ ଅଫ୍ ରେକର୍ଡରେ ମଧ୍ୟ ସ୍ଥାନ ପାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
