ଭୋପାଳ: ମଧ୍ୟପ୍ରଦେଶରେ ଆଜି ଦୁଇଟି ପୃଥକ ଦୁର୍ଘଟଣା ଘଟି 11ଜଣଙ୍କ ମୃତ୍ୟୁ ହୋଇଛି । ବୈତୁଲ ଜିଲ୍ଲାର ତବା ନଦୀ ପୋଲରୁ ଲୁହା ରଡ ଭର୍ତ୍ତି ଟ୍ରକ ଓଲଟି 6 ଜଣଙ୍କ ମୃତ୍ୟୁ ହୋଇଛି । ଡ୍ରାଇଭରଙ୍କ ସମେତ 5 ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡିଛି । ଦୁର୍ଘଟଣାଟି ମଙ୍ଗଳବାର ସକାଳେ ଚୌପାନ ଥାନା ଅଞ୍ଚଳରେ ଘଟିଥିଲା । ସ୍ଥାନୀୟ ପ୍ରଶାସନ ଓ ଅଗ୍ନିଶମ ବିଭାଗ ପକ୍ଷରୁ ତୁରନ୍ତ ଉଦ୍ଧାର କାର୍ଯ୍ୟ କରାଯାଇଥିଲା । ସମସ୍ତ ମୃତକ ଶ୍ରମିକ ଉକ୍ତ ଜିଲ୍ଲାର ଘୋଡାଡୋଙ୍ଗ୍ରୀ ତହସିଲ ଅଞ୍ଚଳର ପିପ୍ରି ବାସିନ୍ଦା । ଉଦ୍ଧାର ମର ଶରୀରକୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ମଧ୍ୟପ୍ରଦେଶରେ 2ଟି ପୃଥକ ଦୁର୍ଘଟଣା ଘଟି 11 ମୃତ
ଅନ୍ୟ ଦୁର୍ଘଟଣାଟି ସାଗରର ରାହତଗଡ ଅଞ୍ଚଳର । ଜଳପ୍ରପାତରେ ବୁଡି 5 ଜଣଙ୍କ ମୃତ୍ୟୁ ହୋଇଛି । 3 ଜଣଙ୍କ ମୃତଦେହ ଉଦ୍ଧାର ହୋଇଥିବାବେଳେ ଜଣେ ଗୁରୁତର ଶିଶୁକୁ ସ୍ଥାନୀୟ ହସ୍ପିଟାଲରେ ଭର୍ତ୍ତି ହୋଇଛି । ଏହି ସମସ୍ତେ ପିକନିକ କରିବାକୁ ଜଳପ୍ରପାତକୁ ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
