ଶିବସାଗର(ଆସାମ): ଆସାମ ଶିବସାଗରରେ ଏକ ଦମ୍ପତି ବିବାହିତ ଝିଅର ମାତୃତ୍ବ ଇଛା ପୂରଣ ପାଇଁ ଏକ 10 ମାସର ଶିଶୁ ପୁତ୍ରକୁ ଅପହରଣ କରିବା ସହ ଶିଶୁପୁତ୍ରର ମାକୁ ହତ୍ୟା କରିଛନ୍ତି (To fulfill the motherhood wish of a married daughter, a couple snatched away a 10 month old baby boy) । ସିମଲଗୁଡି ଥାନା କେନ୍ଦୁଗୁରୀ ବେଲୁଙ୍ଗ ଗାଁର ନୀତୁମୋନୀ ଲୁଖୁରଶନ (Nitumoni Lukhurasha) ଗତ ସୋମବାର ନିଜର 10 ମାସ ପୁତ୍ର ସହ ନିଖୋଜ ହୋଇଯାଇଥିଲେ । ମଙ୍ଗଳବାର ନୀତୁମୋନୀଙ୍କ ମୃତଦେହ ଚରାଇଦେବ ଜିଲ୍ଲା ରାଜାବାଡି ଟି-ଏସଷ୍ଚଟର ଏକ ନାଳରୁ ମିଳିଥିଲା ।
ଏହାବି ପଢନ୍ତୁ- RajyaSabha: ଦେଶରେ 3 ବର୍ଷରେ ହୋଇଛି 2 ହଜାରରୁ ଅଧିକ ବାଲ୍ୟ ବିବାହ
ଶିବସାଗର ପୋଲିସ (Sivsagar police) ମାମଲାର ତଦନ୍ତ କରି ମଙ୍ଗଳବାର ସଂଧ୍ୟାରେ ସିମଲଗୁଡି ରେଳ ଷ୍ଟେସନରୁ ଏହି ହତ୍ୟାକାଣ୍ଡ ସହ ଜଡିତ ଏକ ଦମ୍ପତିଙ୍କୁ ଗିରଫ କରିଛି । ଗିରଫ ଦମ୍ପତି ହେଉଛନ୍ତି ବସନ୍ତ ଗୋଗୋଇ ଓ ହିୟାମାଇ ଗୋଗୋଇ । ଉଭୟ ଦମ୍ପତି ହିମାଚଳ ପ୍ରଦେଶ ଯିବା ପାଇଁ ଟ୍ରେନ ଅପେକ୍ଷାରେ ଥିବାବେଳେ ପୋଲିସ ଗରିଫ କରିଛି । ଦମ୍ପତିଙ୍କ ବୟାନକୁ ଆଧାର କରି ପୋଲିସ ତାଙ୍କ ପୁଅକୁ ମଧ୍ୟ ଗିରଫ କରି ଅପହୃତ ଶିଶୁ ପୁତ୍ରକୁ ଉଦ୍ଧାର କରିଛି । ଆଜି ଶିବସାଗର ପୋଲିସ ଅଧିକ୍ଷକ ଶୁଭ୍ରଜ୍ୟୋତି ବୋରା ହତ୍ୟାକାଣ୍ଡ ସମ୍ପର୍କରେ ସୂଚନା ଦେଇଛନ୍ତି ।
ଏହାବି ପଢନ୍ତୁ- ରାଜସ୍ଥାନରେ ମନ୍ଦିର ପୂଜକଙ୍କୁ ନିର୍ମମ ହତ୍ୟା, ମୃତକ ଇସଲାମ ଛାଡି ହୋଇଥିଲେ ହିନ୍ଦୁ
ପୋଲିସ ସୂଚନା ଅନୁସାରେ ଗୋଗୋଇ ଦମ୍ପତି ହତ୍ୟାକାଣ୍ଡକୁ ସ୍ବୀକାର କରିଛନ୍ତି । ନିଜ ବିବାହିତ ଝିଅର ମାତୃତ୍ବ ସ୍ବପ୍ନକୁ ପୂରଣ କରିବା ପାଇଁ ଏହି ହତ୍ୟାକାଣ୍ଡ କରିଛନ୍ତି । ଗୋଗୋଇ ଦମ୍ପତିଙ୍କ ଝିଅ ହିମାଚଳ ପ୍ରଦେଶରେ ରହୁଥିବା ବେଳେ କୌଣସି ସନ୍ତାନ ନଥିବାରୁ ଏକ ଶିଶୁ ପୁତ୍ର ଚୋରି କରି ନିଜ ଝିଅକୁ ଦେବାକୁ ଯୋଜନା କରିଥିଲେ । ଏଥିପାଇଁ ହତ୍ୟାର ଶିକାର ନୀତୁମୋନୀ ଲୁଖୁରଶନଙ୍କୁ ଯୋଜନାବଦ୍ଧ ଭାବେ ନିଜ ଘରକୁ ଡାକିଥିଲେ । ତାଙ୍କଠାରୁ ଶିଶୁ ପୁତ୍ରକୁ ଛଡାଇବାକୁ ଉଦ୍ୟମ କରିଥିଲେ । ବିରୋଧ କରିବାରୁ ତାଙ୍କୁ ହତ୍ୟା କରି ଫିଙ୍ଗି ଦେଇଥିଲେ ।
