ଛେଳି ଚରାଇବେ ବେଳେ ଆକାଶରୁ ଖସିଲା ମୃତ୍ୟୁ; ଚାଲିଗଲା ଜଣଙ୍କ ଜୀବନ

ଭଦ୍ରକ: ବର୍ଷା ହେବା କ୍ଷଣି ଆକାଶରୁ ଖସୁଛି ମୃତ୍ୟୁ । ଅକାଳରେ ଝଡି ପଡୁଛି ନିରୀହ ଜୀବନ । ଆଜି ଭଦ୍ରକ ଜିଲ୍ଲା ବନ୍ତ ବ୍ଲକ ଗୋପୀନାଥପୁର ପଞ୍ଚାୟତ ଅର୍ନ୍ତଗତ ସାହୁପଡା ଗାଁରେ ବଜ୍ରପାତରେ ଜଣଙ୍କ ମୃତ୍ୟୁ ହୋଇଛି । ଆଉ ଜଣେ ଯୁବକ ଗୁରୁତର ଆହତ ହୋଇଛନ୍ତି । ସାହୁପଡ଼ା ଗ୍ରାମର ଚକ୍ରଧର ଦାସ ଚାଷ କାର୍ଯ୍ୟ ସାରି କେନାଲ ପାଖରେ ଛେଳି ଚରାଉ ଥିବାବେଳେ ବଜ୍ରପାତ ହୋଇଥିଲା । ତାଙ୍କୁ ସଙ୍ଗେ ସଙ୍ଗେ ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହିପରି ଉକ୍ତ ଗ୍ରାମର ଅମର ସେଠୀ ନାମକ ଜଣେ ଯୁବକ ନିଜ ଜମିରେ ଚାଷ କାର୍ଯ୍ୟ କରୁଥିବା ବେଳେ ତାଙ୍କ ଉପରେ ବଜ୍ରାଘାତ ହୋଇଥିଲା । ସ୍ଥାନୀୟ ଲୋକେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିବାବେଳେ ଏବେ ସେ ଚିକିତ୍ସାଧୀନ ଅଛନ୍ତି ।