ବାଲୁକାକଳା ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛା ବାର୍ତ୍ତା - GREETINGS TO MOHAN MAJHI

ନିମାପଡ଼ା: ନୂଆ ବିଜେପି ସରକାରରେ ରାଜ୍ୟର ପ୍ରଥମ ମୁଖ୍ୟମନ୍ତ୍ରୀ ଭାବେ ମୋହନ ଚରଣ ମାଝୀ  ଶପଥ ଗ୍ରହଣ କରିଛନ୍ତି । ଭୁବନେଶ୍ୱର ଜନତା ମଇଦାନରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା । ବିଭିନ୍ନ ମହଲରୁ ନୂଆ ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛାର ସୁଅ ଛୁଟିଛି । ଏହି ଅବସରରେ କୋଣାର୍କ ଚନ୍ଦ୍ରଭାଗା ବେଳାଭୂମିରେ ବାଲୁକା ଶିଳ୍ପୀ ସରିତା ଗୋଚ୍ଛାୟତ ମୁଖ୍ୟମନ୍ତ୍ରୀଙ୍କୁ ବାଲୁକା କଳା ମାଧ୍ୟମରେ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । 

ଏହି ବାଲୁକା କଳା କୃତିକୁ ଦେଖିବା ପାଇଁ ଚନ୍ଦ୍ରଭାଗା ବେଳାଭୂମିରେ ହଜାର ହଜାର ସଂଖ୍ୟାରେ ପର୍ଯ୍ୟଟକଙ୍କ ଭିଡ ଜମିଥିଲା । ବାଲୁକା ଶିଳ୍ପୀ ସରିତା ଗୋଚ୍ଛାୟତ ବିଭିନ୍ନ ବାଲୁକା କଳାକୃତି ମାଧ୍ୟମରେ ଦେଶ ବିଦେଶ ତଥା ଆମ ରାଜ୍ୟରେ ବେଶ ସୁନାମ ଅର୍ଜନ କରିଛନ୍ତି । ଖାଲି ସେତିକି ନୁହେଁ ସେ ଲିମକା ବୁକ୍ସ ଅଫ ରେକଡ଼ରେ ସ୍ଥାନ ପାଇଛନ୍ତି ।
ଇଟିଭି ଭାରତ, ନିମାପଡ଼ା