ଜାମନଗରରେ ରଜନୀକାନ୍ତ, ଦମଦାର ପରଫର୍ମରେ ମତୁୱାଲା କଲେ ଖିଲାଡି କୁମାର

Anant Ambanis PreWedding: ଜାମନଗର: ଆଜି ଅନନ୍ତ ଅମ୍ୱାନି ଏବଂ ରାଧିକା ମର୍ଚ୍ଚାଣ୍ଟଙ୍କ ପ୍ରି-ୱେଡିଂ ସମାରୋହରେ ଶେଷ ଦିନ । ଗତ ଦୁଇ ଦିନ ଧରି ଗୁଜୁରାଟର ଜାମନଗରରେ ଅନନ୍ତ ଏବଂ ରାଧିକାଙ୍କ ବିବାହ ଉତ୍ସବ ସେଲିବ୍ରେସନ କରାଯାଉଛି । ଏହାରି ମଧ୍ୟରେ ବର୍ତ୍ତମାନ ସାଉଥ ସୁପରଷ୍ଟାର ରଜନୀକାନ୍ତ ଏହି ବିବାହ ଉତ୍ସବରେ ସାମିଲ ହେବାକୁ ଆଜି ଜାମନଗରରେ ପହଞ୍ଚିଛନ୍ତି । ଜାମନଗରର ଏୟାରପୋର୍ଟରେ ପତ୍ନୀଙ୍କ ସହ ନଜର ଆସିଛନ୍ତି ଥଲାଇଭା । ସେପଟେ ଗତକାଲିର ବିବାହ ସମାରୋହରେ ଅନେକ ବଲିଉଡ ତାରକା ନିଜ ନିଜ ଦମଦାର ପ୍ରଦର୍ଶନ ଦେଇ ମଞ୍ଚରେ ନିଆଁ ଲଗାଇଛନ୍ତି । ଏହି ବିବାହ ଉତ୍ସବରେ ଅକ୍ଷୟ କୁମାର ନିଜର ଗୀତ ଏବଂ ଡ୍ୟାନ୍ସରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ସେ 'ଗୁର ନାଲ ଇସ୍କ ମିଠା' ଗୀତକୁ ଗାଇବା ସହ ଡ୍ୟାନ୍ସ କରିଛନ୍ତି । ସେହିପରି ଶାହାରୁଖ ଖାନ, ସଲମାନ ଏବଂ ଆମୀର ଖାନଙ୍କୁ ଏକାଠି ପରଫର୍ମ କରୁଥିବା ଦେଖିବାକୁ ମିଳିଛି । ଏଥିସହ ଦୀପିକା ପାଦୁକୋନ ଏବଂ ରଣଭୀର ସିଂ ମଧ୍ୟ ଦମଦାର ପ୍ରଦର୍ଶନ କରିଛନ୍ତି । 

ଏହା ମଧ୍ୟ ପଢନ୍ତୁ: ଅନନ୍ତ-ରାଧିକାଙ୍କ ପ୍ରି-ୱେଡିଂ; ଠୁମକା ଲଗାଇଲେ ଭାଇଜାନ, ବାଜିରାଓ-ମସ୍ତାନିଙ୍କ ପରଫର୍ମ ଜିତିଲା ଫ୍ୟାନ୍ସଙ୍କ ମନ